ការដាក់តាំងពិព័រណ៍គំនូរសហសម័យក្រោមប្រធានបទ «ភក់» ទាក់ចិត្តសិស្សានុសិស្សគ្រប់ជំនាន់
NEWS 5 years ago ផ្ទាំងគំនូរសហសម័យចំនួន១៣ផ្ទាំងដែលនៅតែបន្តដាក់តាំងជាសាធារណៈ ក្នុងវិចិត្រសាលសិល្បៈសហសម័យវិទ្យាស្ថានស្លឹករឹតនៃអគារ H ស្ថិតក្នុងវិទ្យាស្ថានជាតិអប់រំ បានបង្កប់នូវអត្ថន័យយ៉ាងជ្រាលជ្រៅ ឆ្លុះបញ្ចាំងអំពីវីរភាព ភាពឆ្លាតវៃ និងភាពប៉ិនប្រសប់ដ៏ឆ្នើមរបស់សិល្បករ សិល្បការិនីមួយចំនួនដែលបានបាត់បង់ជីវិតនារបបប្រល័យពូជសាសន៍ខ្មែរក្រហម។
ក្រោមស្នាដៃដ៏ត្រចះត្រចង់របស់វិចិត្រករវ័យក្មេង លោក ស្រី វិសាល ជាអតីតនិស្សិតនៃសាលាមធ្យម វិចិត្រសិល្បៈបានឲ្យដឹងផងដែរថា ពីផ្ទាំងគំនូរមួយទៅផ្ទាំងគំនូរមួយទៀតជាការគូរឡើងដោយភាពស្រមើស្រមៃបន្ទាប់ពីលោកបានស្តាប់នូវខ្សែអាត់សំឡេងនិងដកស្រង់ព័ត៌មានមួយចំនួនដែលទាក់ទងទៅនឹងប្រវត្តិរូបសង្ខេបរបស់សិល្បករ សិល្បការិនីនាសម័យនោះផងដែរ។ ផ្ទាំងគំនូរនីមួយៗ មិនត្រឹមតែបានផ្តល់នូវប្រវត្តិរូបសង្ខេបមួយចំនួនដែលទាក់ទងទៅនឹងសិល្បករ សិល្បការិនីល្បីល្បាញដែលបានបាត់បង់ជីវិតតែប៉ុណ្ណោះទេ ក៏ប៉ុន្តែវាបានស្តែងឲ្យឃើញនូវទិដ្ឋភាពមួយចំនួនដែលប្រទេសកម្ពុជាបានបាត់បង់នូវរបាំជាច្រើននារបបប្រល័យពូជសាសន៍ខ្មែរក្រហមទៀតផង ឯកសារដ៏សំខាន់ៗបញ្ជាក់អំពីអត្តសញ្ញាណនៃប្រទេសកម្ពុជា និងបុគ្គលល្បីល្បាញជាច្រើនរូបទៀតផង។
ស្រី វិសាល
គួរជម្រាបផងដែរថា ការតាំងពិព័រណ៍គំនូរសហសម័យទាំងនេះនៅតែបន្តសម្រាប់សាធារណៈជនចូលរួមទស្សនារហូតដល់ថ្ងៃទី៣០ ខែកញ្ញា ឆ្នាំ២០១៩ខាងមុខនេះផងដែរ៕
Article by PAN SIVLY