×

ពងត្រីកាវីយ៉ា (Caviar) សម្ពោធ​ផលិត​ផលអនឡាញ​ថ្មី​របស់​ខ្លួន​ដែល​ជាពងត្រីប្រណិត​មកពី​ក្រៅ​ប្រទេស​

ENTERTAINMENT 4 months ago
 
 

          ពងត្រី​ដ៏​ប្រណីតលំដាប់​ខ្ពស់​ដែល​ដាក់​លក់​តាម​អនឡាញ​ដំបូង​គេ មាន​ឈ្មោះ​ថា Caviar and Tradition បាន​ដាក់​សម្ពោធហាងអនឡាញ​ថ្មី​របស់​ខ្លួន​កាលពី​ថ្ងៃ​ទី ២៧ ខែកុម្ភៈ ឆ្នាំ ២០១៨ នៅ​សណ្ឋាគារ សូហ្វីតែល ភ្នំពេញ​ ភូគីត្រា។ ហាង Caviar & Traditions នៅ​លើអនឡាញ (www.caviar-traditions.com)​នេះ​បង្កើត​ឡើង​ដោយ​លោក Etienne Chenevier និង​លោក Bernard Matter រួម​សហការ​ជា​មួយ​នឹង​ព្រះ​អង្គ​ម្ចាស់​ភានុរ័ត្ន ស៊ី​សុវត្ថិ បាន​នាំ​ចូល​ពងត្រីកាវីយ៉ា​ដែល​ជា​អាហារ​ប្រណីត​បំផុត​ពី​សមុទ្រ​កាស្ពី ឬ សមុទ្រ​ខ្មៅ និង​ចែក​ចាយ​ដោយ​ក្រុម​ហ៊ុន​បារាំង​យីហោ Comptoir du Caviar មក​កាន់​ប្រទេស​កម្ពុជា។


          សូម​គូសបញ្ជាក់​ផង​ដែល​ថា ពងត្រីកាវីយ៉ាជាអម្បូរពងត្រី​សមុទ្រ​ឈ្មោះ ស្ទឺ​ចិន ដែល​ជា​ប្រភេទ​អាហារ​មាន​តម្លៃ​ខ្ពស់ ព្រោះ​គេ​ត្រូវ​ចិញ្ចឹមវា​រហូត​ដល់​ទៅ ១៥ឆ្នាំ ទម្រាំ​នឹង​វាគ្រប់​វ័យ​អាចផ្ដល់​ពង​បាន។ ក្នុង​ចំណោម​អម្បូរត្រីស្ទឺ​ចិន​នេះ មាន​ត្រីម៉្យាង​ឈ្មោះ បេលូហ្កា (Beluca) ដែល​ថ្លៃ​ជាង​គេ និង​កម្រ​បំផុត​មកពី​តំបន់​សមុទ្រ​កាស្ពី ដែល​មនុស្ស​ជា​ច្រើន​ចាត់​ទុកថា វាជា​ប្រភេទ​ពងត្រី​មាន​គុណភាព​ល្អ​លើស​គេ​ក្នុង​ពិភព​លោក។


ហាង Caviar & Traditions មាន​ផ្ដល់​សេវា​ដឹក​ជញ្ជូន ដល់​គេហដ្ឋាន​របស់​លោក​អ្នក​នៅ​ក្នុង​ទី​ក្រុង​​ភ្នំពេញ​រៀង​រាល់​ថ្ងៃ ចាប់​ពី​ម៉ោង ៩ព្រឹក រហូត​ដល់​ម៉ោង ៧យប់ ដោយ​លោក​អ្នក​គ្រាន់​តែ​ធ្វើ​ការបញ្ជា​ទិញ​តាម​គេហ​ទំព័រ​របស់​កាវីយ៉ាជាការស្រេច៕



SUGGESTIONS