×
Photo by UN HOUR

Vivo V9 បាន​មក​ដល់​កម្ពុជា​ហើយ​ជា​មួយ​នឹង​បច្ចេក​វិទ្យា​ទាន់​សម័យ​និង​តម្លៃ​សមរម្យ

 
 

ក្រុមហ៊ុន​ទូរសព្ទដៃ​ Vivo​ ទើប​តែ​បង្ហាញ​ស៊េរី​ទូរសព្ទ​ថ្មី​ ViVo V9​ កាល​ពី​ថ្ងៃទី24​ ខែមីនា​ ឆ្នាំ2018​ នៅ​សណ្ឋាគារ​ សុខា​ ភ្នំពេញ។​ ក្នុង​កម្មវិធី​នោះ​ក៏​មាន​វត្តមាន​តារា​ដែល​មាន​ឈ្មោះ​បោះសម្លេង​មួយដួង​ និង​ជា​ឯកអគ្គរាជទូត​សុឆន្ទៈ​ប្រចាំ​ក្រុមហ៊ុន​ Vivo​ គឺ​លោក​ ព្រាប សុវត្ថិ​ និង​សំណាក់​ថ្នាក់​ដឹកនាំ​ក្រុមហ៊ុន​ ViVo​ ហើយ​នឹង​ភ្ញៀវ​កត្តិយស​ ដែល​ជា​ដៃគូ​តំណាង​ចែក​ចាយ​មក​ពី​ទូទាំង​ប្រទេស​ថែម​ទៀត​ផង។​ ទូរសព្ទដៃ​ស្មាតហ្វូន​ ViVo V9​ នេះ​មាន​អេក្រង់​ទំហំ​ ៦.៣អ៊ីង​ ជា​មួយ​នឹង​កាមេរ៉ា​ភ្លោះ​ខាង​ក្រោយ​ និង​កាមេរ៉ា​មុខ​ទំហំ​ ២៤មេហ្កាភិចសែល។​ កាមេរ៉ា​ស្មាតហ្វូន​នេះ​ក៏​បាន​ភ្ជាប់​មក​ជា​មួយ​នឹង​បច្ចេកវិទ្យា​ A.I Beauty​ ដែល​ជា​ការ​ប្រមូល​ព័ត៌មាន​សម្គាល់​ពី​មុខមាត់​ជាក់លាក់​របស់​មនុស្ស​ផ្សេងៗ​ពី​គ្នា​តាម​រយៈ​ទិន្នន័យ​លើ​ផ្ទៃមុខ​មនុស្ស​ជា​ច្រើន​លាននាក់​បូក​រួម​នឹង​អ្នក​ជំនាញ​វិជ្ជាជីវៈ​ថតរូប​ និង​អ្នក​ជំនាញ​ផ្នែក​តុបតែង​មុខ​ត្រូវ​បាន​ពិគ្រោះ​យោបល់​ក្នុង​អំឡុង​ពេល​នៃ​ដំណើរ​ការ​ស្រាវជ្រាវ​ និង​អភិវឌ្ឍន៍​បច្ចេកវិទ្យា​នេះ។​ លើស​ពី​នេះ​ទៀត​នោះ​ កាមេរ៉ា​ស្មាតហ្វូន​នេះ​ក៏​មាន​បច្ចេកវិទ្យា​ AR Cute Selfie​ ដែល​អាច​ឲ្យ​លោកអ្នក​ជ្រើសរើស​ស្ទាយ៍​ដែល​ចូលចិត្ត​​ធ្វើ​ឲ្យ​រូបថត​មើល​ទៅ​ពិសេស​ និង​កាន់​តែ​មាន​ភាព​ស្រស់ស្អាត។​

ស្មាតហ្វូន​ ViVo V9​ ក៏​បាន​បំពាក់​មក​ជា​មួយ​នឹង​បច្ចេកវិទ្យា​ដោះសោរ​ដោយ​ស្កេនមុខ​រួមគ្នា​នឹង​ការ​ដោះសោរ​ដោយ​ស្កេន​ក្រយ៉ៅដៃ​បាន​យ៉ាង​លឿន​ផង​ដែរ។​ ដូចនេះ​ យើង​ឃើញ​ថា​បច្ចេកវិទ្យា​របស់​ V9​ ពិត​ជា​មាន​ចំនុច​គួរ​ឲ្យ​ចាប់​អារម្មណ៍​ច្រើន​មែនទែន។​ V9​ មាន​ RAM​ ទំហំ​ 4GB​ និង​មាន​អង្គចងចាំ​ទំហំ​ 64GB​ និង​អាច​បន្ថែម​បាន​ដល់​ 256GB។​ ស្មាតហ្វូន​ថ្មី​នេះ ​ដំណើរ​ការ​ដោយ​ប្រពន្ធ័​ Android 8.1 / Funtouch OS4.0​ ពិត​ជា​ធ្វើ​ឲ្យ​ការ​ដំណើរ​ការ​នៃ​កម្មវិធី​មាន​ភាព​ងាយស្រួល​ក្នុង​ការ​ប្រើប្រាស់។​ V9​ មាន​ថាមពល​ថ្ម​ទំហំ​ 3260mAh​ ដែល​អាច​ឲ្យ​អ្នក​ប្រើ​សម្រាប់​ការ​ប្រើប្រាស់​ធម្មតា​បាន​មួយថ្ងៃ​ពេញ​ផង​ដែរ។​ អ្វី​ដែល​ប្លែក​សំរាប់​ស្មាតហ្វូន​ V9​ នោះ​គឺ​មុខងារ​មិន​រំខាន​ដល់​ការ​លេងហ្គេម​របស់អ្នក​ ដែល​នឹង​មិន​ធ្វើ​ឲ្យ​ការ​លេងហ្គេម​របស់​អ្នក​កាត់ផ្តាច់​ដោយ​សារ​តែ​លើក​ទូរសព្ទ​នោះ​ឡើយ។

ក្រុមហ៊ុន​បាន​បន្ថែម​ថា​ ស្មាតហ្វូន​ V9​ ដែល​ជា​ម៉ូដែល​ថ្មី​របស់​ VIVO​ នេះ​ គឺ​ពិត​ជា​ល្អ​សម្រាប់​អ្នក​ដែល​និយម​ចូលចិត្ត​ភាព​ទាន់សម័យ​ ជាពិសេស​យុវវ័យ​តែម្តង​ ពីព្រោះ​តែ​តម្លៃ​សមរម្យ​ និង​ភាព​ទាន់សម័យ​នៃ​បច្ចេកវិទ្យា​របស់​វា។​ ViVo V9​ នឹង​មាន​លក់​ក្នុង​ទីផ្សារ​កម្ពុជា​ក្នុង​តម្លៃ​ពិសេស​ត្រឹម​តែ​ 329ដុល្លារ​តែ​ប៉ុណ្ណោះ៕

Article by KEO SONG




SUGGESTIONS