iflix ដែលជាបណ្តាញផ្សព្វផ្សាយភាពយន្តនិងរឿងភាគជាច្រើនហើយមានទីផ្សារទូទាំងពិភពលោកនោះបាន និងកំពុងធ្វើការសហការ ផ្សាយជាមួយនឹងប៉ុស្តិ៍ទូរទស្សន៍ ភីអិនអិន PNN ដែលជាប៉ុស្តិ៍សិល្បៈកំសាន្តដ៏ល្បីនិងពេញនិយមមួយក្នុងចំណោមប្រជាជនខ្មែរគ្រប់ស្រទាប់វណ្ណៈ។ គោលបំណងដ៏ចំបងនោះគឺ ដើម្បីពង្រីកទីផ្សារឲ្យកាន់តែទូលំទូលាយ ដោយក្នុងនោះនឹងមានការផ្សាយនូវរឿងភាគខ្មែរ និងមួយចំនួនទៀតពីទូរទស្សន៍ថៃប៉ុស្តិ៍លេខ៣ CH3 និងប៉ុស្តិ៍ហុងកុងជាដើម ដែលទាំងអស់នេះ នឹងមានការបកប្រែនិងបញ្ចូលសម្លេងជាភាសាខ្មែរទៀតផង។ អ្វីដែលលោកអ្នកត្រូវធ្វើគឺគ្រាន់តែចូលទៅកាន់ iflix.com និងចុចមើលជាការស្រេច។
ប្រធានផ្នែកកម្មវិធីនៃប៉ុស្តិ៍ PNN កញ្ញា ទូច បុប្ផា បានបន្ថែមថា៖ «ការដែលស្ថានីយ៍ទូរទស្សន៍យើងខ្ញុំអាចចាប់ដៃគូរសហការជាមួយនឹង iflix ដែលជាបណ្តាញផ្សព្វផ្សាយដ៏ធំមួយនៅលើពិភពលោកនោះ ពិតជាឱកាសដ៏ល្អមួយ។ យើងខ្ញុំពិតជាមើលឃើញថាការសហការនេះនឹងរីកចម្រើនទៅមុខដោយមានការជ្រោមជ្រែងយ៉ាងកក់ក្តៅបំផុត។ អាចនិយាយបានថា ក្រុមការងារយើងខ្ញុំមានសមត្ថភាពក្នុងការបង្កើតបណ្តុំទិន្នន័យប្លែកៗនិងពោរពេញដោយភាពច្នៃប្រឌិត សម្រាប់អ្នកគាំទ្ររបស់យើងនៅគ្រប់ទីកន្លែង និងគ្រប់បណ្តាញ ដែលក្នុងរយៈពេលត្រឹមតែប៉ុន្មានឆ្នាំប៉ុណ្ណោះ ពួកយើងបានផលិតកម្មវិធីទូរទស្សន៍និងរឿងភាគជាច្រើន។»
គួរបញ្ជាក់ផងដែរថា iflix គឺជាបណ្តាញផ្សព្វផ្សាយសិល្បៈកំសាន្តខ្នាតអន្តរជាតិមួយដែលមានទីផ្សារទូលំទូលាយ ចម្រុះទៅដោយភាពយន្ត កម្មវិធីទូទស្សន៍ ការផ្សាយផ្ទាល់ ព័ត៌មាន ការទាញយកកម្មវិធីផ្សេងៗជាច្រើននៅជុំវិញពិភពលោក ពីគ្រប់ទិសទី និងគ្រប់ពេលវេលា៕
Article by SOVRIN