ក្នុងអំឡុងរដូវក្តៅបែបនេះ ស្ថិតក្រោមកំដៅថ្ងៃក៏ក្តៅបែបនេះ អាកាសធាតុក៏ស្អាប់ស្អុះ តើអ្នកធុញធប់ក្នុងការចេញទៅខាងក្រៅមែនទេ? មិនបាច់បារម្ភនោះទេ ប្រសិនបើអ្នកជ្រើសរើសសម្លៀកបំពាក់ដែលសាកសមនោះ អារម្មណ៍អវិជ្ជមានទាំងឡាយក៏នឹងរសាយបាត់ទៅដោយឯកឯងជាមួយនឹងសម្លៀកបំពាក់ទាំង៨ខាងក្រោមនេះ៖
1.មួកដែលមានទំហំធំ: មួកគឺជាគ្រឿងអលង្ការដែលសំខាន់បំផុតសម្រាប់រដូវក្តៅ។ នៅពេលនិយាយអំពី ទំនោរនៃរដូវក្តៅនេះ “the bigger the better” គឺពិតជាល្អឥតខ្ចោះសម្រាប់អ្នកដែលចង់ទទួលបានការការពារពីពន្លឺព្រះអាទិត្យដែលកំពុងតែក្តៅខ្លាំង។ មិនត្រឹមតែកំពុងតែទទួលបានការពេញនិយមនោះទេ តែអាចប្រើសម្រាប់ការការពារស្បែកមុខនិងស្មារបស់អ្នកពីពន្លឺព្រះអាទិត្យដែលអាចបណ្តាលឲ្យមានគ្រោះថ្នាក់ដល់ស្បែក និងរក្សាស្បែករបស់អ្នកពីការខូចខាតបានទៀតផង។
2.ខោខ្លី: ខោខ្លីនឹងក្លាយជាចំណែកសំខាន់មួយនៅក្នុងរដូវក្តៅនាឆ្នាំ ២០១៩ នេះ។ ជាពិសេសគឺខោខ្លីលើក្បាលជង្គង់ដែលកំពុងតែទទួលការពេញនិយមយ៉ាងខ្លាំង។ នេះជាដំណឹងល្អមួយសម្រាប់អ្នកទាំងឡាយណាដែល ចូលចិត្តបង្ហាញសាច់ជើងខ្លាំង។
3.TIGHT PLEATS: បន្ទាប់ពីទទួលបានការគាំទ្រជាច្រើនកាលពីឆ្នាំទៅមុន ទំនោរមួយនេះក៏ត្រូវបានត្រឡប់មកវិញសាជាថ្មីនារដូវក្តៅនេះផងដែរ។ ការបង្ហាញខ្លួនជាថ្មីម្តងទៀតនេះ ភ្លីតទាំងនេះនឹងមានទំរង់ខ្នាតតូចជាងមុន ដែលនឹងធ្វើឲ្យសម្លៀកបំពាក់ប្រភេទនេះបត់បែនយ៉ាងល្វតល្វន់ទៅតាមចលនានិងរាងរបស់លោកអ្នកយ៉ាងល្អឥតខ្ចោះ។
4.The Floral Mini Dress: បើនិយាយពីរដូវក្តៅ គ្មានអ្វីអាចតំណាងបាននិងសាកសមជាងរ៉ូបផ្កា(Floral prints )នោះឡើយ។ រ៉ូបខ្លីប្រភេទនេះនឹងជួយឲ្យអ្នកមើលទៅក្មេងជាងមុនបានមួយកម្រិត។ អ្នកអាចជ្រើសរើសក្នុងការពាក់ជាមួយស្បែកជើងប៉ាតាដែលអ្នកចូលចិត្តសម្រាប់ថ្ងៃធម្មតានិងចុងសប្តាហ៍ តែបើសិនត្រូវចូលរួមក្នុងកម្មវិធីណាមួយ ស្បែកជើងកែងនិងជួយអ្នកបានមួយចំណែកធំដោយធ្វើឲ្យជើងមើលទៅខ្ពស់ជាងមុនបង្កើនភាពសិចស៊ី។ អ្នកក៏អាចជ្រើសរើសស្លៀករ៉ូបទាំងនេះជាមួយស្បែកជើងកវែងពណ៌ខ្មៅបានយ៉ាងទាន់សម័យ សាកសមជាមួយដំណើរកំសាន្តផ្សេងៗ។
5.អាវខ្លីជាមួយនឹងអាវយឺតវែង: ការជ្រើសរើសពាក់អាវខ្លីពីក្នុង ជាមួយសំពត់ខ្លីឬខោខ្លី រួមនឹងអាវយឺតវែងពីក្រៅ គឺសាកសមបំផុតចំពោះអ្នកដែលចង់ទទួលបានការស្លៀកពាក់បែបស៊ិចស៊ីនិងក្លាស៊ិក។ត្រូវប្រាកដចិត្តថាពណ៌ដែលអ្នកជ្រើសរើសគឺសាកសមនឹងគ្នា នោះអ្នកនឹងមានទំនុកចិត្តលើខ្លួនឯងកាន់តែខ្លាំង ហើយត្រូវចងចាំថាឈុតដែលអ្នកបានពាក់គឺមើលទៅល្អឥតខ្ចោះហើយ។
6.ខោខូវប៊យ: អាចនិយាយបានថា ខោខូវប៊យជាសម្លៀកបំពាក់ដែលមានគេគាំទ្រច្រើនបំផុតទូទាំងពិភពលោក។វាជាជម្រើសមួយដែលសាកសមបំផុតសម្រាប់អ្នកដែលមានភាពមមាញឹកខ្លាំងឬមិនដឹងគួរជ្រើសរើសអ្វីសំរាប់ស្លៀក។ មិនថាជាស្បែកជើងឃ្លប់ ស្បែកជើងផ្ទាត់ ឬស្បែកជើងជាច្រើនប្រភេទទៀតសុទ្ធតែអាចពាក់ជាមួយខោខូវប៊យបានយ៉ាងល្អឥតខ្ចោះ។ នេះគឺជាស្តាយដែលមិនចេះសាបរលាបទៅតាមពេល គឺគ្រាន់តែផ្លាស់ផ្តូរបន្តិចបន្តួចនោះនឹងទាន់សម័យកាលសារជាថ្មី។
7.សម្លៀកបំពាក់ពណ៌ស: ពណ៌សមិនត្រឹមតែជាពណ៌តំណាងឲ្យភាពល្អបរិសុទ្ធនោះទេ ប៉ុន្តែវាក៏ជាពណ៌មួយដែលមិនងាយនឹងធុញទ្រាន់ក្នុងការមើល និងជាពណ៌មួយដែលសាកសមបំផុតក្នុងការជ្រើសរើសសម្រាប់ស្លៀកក្នុងការចេញទៅប្រឈមក្រោមពន្លឺព្រះអាទិត្យដ៏ក្តៅ។នារដូវក្តៅនេះ សម្លៀកបំពាក់ពណ៌សកំពុងវាយលុកលើទីផ្សារហ្វេហ្សិនយ៉ាងខ្លាំង ដោយចំនុចពិសេសនោះគឺវាងាយស្រួលសម្របខ្លួនទៅនឹងពណ៌ដ៏ទៃ មិនថាជាស្បែកជើង កាបូបឬគ្រឿងអលង្ការប្រភេទណាមួយនោះឡើយ។អ្វីដែលកាន់តែពិសេសនោះគឺ ពណ៌មួយនេះមិនសូវស្រូបយកកម្តៅដែលក្តៅខ្លាំង ដែលជាហេតុអាចជួយការពារអ្នកពីកំដៅបានមួយចំណែក។
8.កាបូបចាក់បែបប្រភេទទន់: កាបូបប្រភេទនេះគឺជាស្តាយនៃការច្នៃម៉ូដចុងក្រោយបង្អស់ដែលអ្នកនឹងឃើញវានៅពេលដែលអ្នកចូលទៅក្នុងផេកហ្វេហ្សិនល្បីៗខ្នាតអន្តរជាតិ។ មិនត្រឹមតែមើលទៅទាន់សម័យប៉ុណ្ណោះទេ តែថែមទាំងងាយស្រួលដាក់តាមខ្លួន ហើយបើនិយាយពីទំហំវិញគឺងាយស្រួលបំផុតសម្រាប់មិត្តនារីដាក់ឥវ៉ាន់។
Article by TAING KIMLY