ក្រុមហ៊ុនរថយន្ត MG បានលើកកម្ពស់ និងផ្សព្វផ្សាយពីអ្នករចនាម៉ូដសម្លៀកបំពាក់ដ៏ទាន់សម័យក្នុងស្រុក
NEWS 3 years agoរថយន្ត MG បានបង្ហាញភាពលេចធ្លោគួរឲ្យចាប់អារម្មណ៍របស់ខ្លួនជាមួយនឹងការបង្ហាញម៉ូដសម្លៀកបំពាក់ដ៏ទាន់សម័យ។ អ្នកឌីហ្សាញម៉ូដរថយន្ត MG បានផលិតចេញពីម៉ូឌែលចុងក្រោយរបស់គេគឺរថយន្ត MG ZS ហើយបានសហការជាមួយអ្នកច្នៃម៉ូដសម្លៀកបំពាក់ទាន់សម័យក្នុងស្រុកមួយគឺ Romyda Keth ដែលជាស្ថាបនិកនៃក្រុមហ៊ុន Ambre Fashion House ដើម្បីផ្សព្វផ្សាយពីរូបតំណាងរបស់អ្នកច្នៃម៉ូដក្នុងស្រុក ក៏ដូចជាការបង្កើននូវភាពទាក់ទាញបន្ថែមទៀតរវាងរថយន្ត MG និងភាពរីកចម្រើននៃការច្នៃម៉ូដសម្លៀកបំពាក់នៅក្នុងប្រទេសកម្ពុជា។
Ambre គឺជាយីហោម៉ូដសម្លៀកបំពាក់ដ៏ល្បីល្បាញមួយក្នុងទីក្រុងភ្នំពេញ។ ស្ថាបនិក និងអ្នករចនាម៉ូដដែលនៅពីក្រោយយីហោនេះគឺ Romyda Keth ហើយគាត់គឺជាស្ត្រីដែលមានស្រុកកំណើតនៅប្រទេសកម្ពុជា ប៉ុន្តែគាត់បានធំឡើងនិងសិក្សានៅទីក្រុងប៉ារីសប្រទេសបារាំង។ ការរចនារបស់នាងត្រូវបានកំណត់ដោយរចនាបទបែបស្ត្រីយ៉ាងប្រណីត ហើយសម្ភារដែលបានយកមកច្នៃនោះគឺ មានភាពប៉ិនប្រសប់ និងមានគុណភាពខ្ពស់។
នៅក្នុងយុទ្ធនាការចុងក្រោយនេះ ក្រុមហ៊ុន MG Cambodia បានសហការជាមួយយីហោ Ambre Fashion Design ដោយបង្ហាញពីការថតម៉ូដសម្លៀកបំពាក់រួមជាមួយរថយន្តស៊េរីថ្មីរបស់គេគឺរថយន្តMG ZS។ ដោយសារតែការច្នៃម៉ូដសម្លៀកបំពាក់គឺជាប្រធានបទដែលគួរឲ្យចាប់អារម្មណ៍សម្រាប់មនុស្សជាច្រើននាពេលបច្ចុប្បន្ននេះ ហើយអាជីវកម្មនៅក្នុងវិស័យច្នៃម៉ូដនេះក៏អាចជាគំនិតដ៏ល្អបំផុត រួមបន្ថែមជាមួយរថយន្តដ៏អស្ចារ្យគឺ រថយន្ត MG ZS ដែលជាការអភិវឌ្ឍន៍ថ្មីនៃរថយន្តប្រភេទ SUV ខ្នាតតូចដោយមានលក្ខណៈពិសេសថ្មីប្លែកនៃផ្នែកខាងក្រៅ និងប្រណីតភាពនៃផ្នែកខាងក្នុង ហើយរថយន្តនេះបានបំពាក់ដោយបច្ចេកវិទ្យាថ្មីទំនើបទាន់សម័យ រួមមានដូចជាអេក្រង់កម្សាន្តទំហំ 10.1អ៊ីញភ្លឺច្បាស់ត្រជាក់ភ្នែកហើយអាចភ្ជាប់ជាមួយប្រព័ន្ធ Apple CarPlay និង Android Auto ដែលជាស្តង់ដារនៃរថយន្តប្រភេទនេះផងដែរ ហើយលក្ខណៈពិសេសនេះហើយដែលបានធ្វើឲ្យរថយន្តម៉ូឌែលនេះមានការពេញនិយមខ្លាំងជាមួយនឹងតម្លៃយ៉ាងពិសេសត្រឹមតែ $31,000 ប៉ុណ្ណោះ។
លោក ពុំ សូរិយា នាយកប្រតិបត្តិក្រុមហ៊ុន TF Motors Cambodia បានមានប្រសាសន៍ថា “ក្រុមហ៊ុន MG Cambodia ពិតជាមានមោទកភាពណាស់ក្នុងការគាំទ្រដល់អ្នកច្នៃម៉ូដសម្លៀកបំពាក់ក្នុងស្រុក ដើម្បីលើកកម្ពស់ពីយីហោនិងផ្សព្វផ្សាយពីការច្នៃម៉ូដសម្លៀកបំពាក់ក្នុងស្រុក ដើម្បីទទួលបានចំណាប់អារម្មណ៍កាន់តែខ្លាំងឡើងពីសំណាក់អតិថិជន ក៏ដូចជាការបង្ហាញពីភាពលេចធ្លោជាមួយម៉ូដសម្លៀកបំពាក់ក្នុងប្រទេសកម្ពុជាផងដែរ”៕
Advertising article