ត្រូវបានទទួលស្គាល់ថាជាអ្នកឌីហ្សាញហ្វេហ្សិនល្បីលំដាប់ពិភពលោកប្រចាំទីក្រុងឡុងដុងមានដើមកំណើតជាជនជាតិក្រិក លោកស្រី ម៉ារី កាត្រានត៍ហ្ស៊ូ (Mary Katrantzou) បានបញ្ចេញស្នាដៃឌីហ្សាញថ្មីចុងក្រោយឲ្យក្រុមហ៊ុនទឹកអប់ម៉ាកដ៏ល្បីរន្ទឺមកពីបរទេសគឺ ទឹកអប់ម៉ាក BVLGARI ប្រភេទ BVLGARI OMNIA (ប៊ុលហ្គារី អមនៀ) ឆ្លុះបញ្ចាំងពីពិភពនៃក្តីសុបិនចម្រុះពណ៌ និងបង្កើតនូវសុទិដ្ឋិនិយមដល់អ្នកប្រើប្រាស់ ដោយសហការជាមួយនឹងស្តេចទឹកអប់អន្តរជាតិមួយរូបគឺ លោក អាល់ប៊ែរតូ ម៉ូរីលឡាស (Alberto Morillas)។
ទឹកអប់ប្រភេទ OMNIA ខាងលើនេះផ្តល់នូវក្លិនក្រអូបប្រហើរបង្កើនអារម្មណ៍ស្រស់ថ្លាបង្កើតបានជាគំនិតល្អៗសម្រាប់ជីវិតប្រចាំថ្ងៃរបស់សុភាពនារីទាំងឡាយ តាមរយៈការច្របាច់បញ្ចូលរវាងមន្តស្នេហ៍ធម្មជាតិនៃក្លិនក្រូចឃ្វិច ផ្កាមាលតី (Gardenia) និងស្លឹកល្វា។ វាពាំនាំមកនូវក្តីសុខផ្លូវអារម្មណ៍ដ៏បរិសុទ្ធប្រពៃបំផុតដែលលោកអ្នកតែងប្រាថ្នាចង់បានក្នុងឆាកជីវិត ភាពស្រស់ស្រាយនៃផ្កាធម្មជាតិ គន្ធពិដោរបំភ្លេចមិនបាន និងពណ៌ឆើតឆាយគួរឲ្យទាក់ភ្នែក។ តាមពិតទៅ ទឹកអប់ម៉ាកថ្មីនេះទទួលឥទ្ធិពលពីផ្កាមាលតីដែលជាផ្កាសំណព្វចិត្តរបស់អ្នកឌីហ្សាញផ្ទាល់តែម្តង គួបផ្សំនឹងការលាយបញ្ចូលរវាងស្រទាប់ផ្កាឆ្អិនឆ្អៅស្រស់បំព្រងជាមួយនឹងវត្ថុធាតុដើមចម្រាញ់ចេញជាក្លិនក្រូចឃ្វិចក្រអូបឈ្ងុយឈ្ងប់ និងភាពស្រស់ញញឹមនៃស្លឹកល្វាធម្មជាតិពិតៗ។
• Top Note (ក្លិនប្រហើរដំបូង): តំណក់កំសួលក្លិនចម្រាញ់ពីផ្លែក្រូចឃ្វិចពិតៗ និងក្លិនស្លឹកល្វា។
• Heart Notes (ក្លិនស្នូល/ក្លិនចំបង): បែបផ្កា Kaleidoscopic- ក្លិនផ្កាមាលតី (Gardenia) និងផ្កាក្រូច។
• Dry Down Notes (ក្លិនតំណក់ចុងក្រោយ): បែប Prismatic- ក្លិនឈើ Blond Wood និង ក្លិនក្រអូបប្រភេទ Musk Accord។
• Omnia Crystalline- Radiant Joy (រីករាយចែងចាំង) :
សមស្របជាមួយនឹងភាពសប្បាយរីករាយងាយៗបែបយុវវ័យទឹកអប់នេះផ្តល់នូវក្លិនស្រាលស្រទន់ និងភាពជាស្រ្តីដ៏ទាក់ទាញ។ទឹកអប់ Omnia Crystalline ត្រូវបានសម្រិតសម្រាំងចម្រាញ់ចេញពីភាពបរិសុទ្ធ និងថ្លៃថ្លានៃផ្កាឈូក។ វាបង្កើតបានជាពពុះគ្រីស្តាល់ភ្លឺចែងចាំង រួមជាមួយនឹងក្លិនផ្លែសារីអាស៊ី និងក្លិនឈើ Balsa Wood ដ៏ល្មួត។
• Omnia Amethyste- Dreamy Optimism (សុទិដ្ឋិនិយមពោរពេញដោយក្តីស្រមៃ):
ប្រភេទទឹកអប់នេះគឺជាការបញ្ចេញនូវពិភពផ្កាដ៏ស្រស់បំព្រងដែលស្តែងឲ្យឃើញនូវភាពទាក់ទាញ ប្រណីតភាព និងភាពទំនើបទាន់សម័យនៃក្លិនផ្កា Iris ដែលជួយរំញោចជំរុញក្តីស្រមៃថ្មីៗ បំណងប្រាថ្នា និងសម្រស់ស្រស់ស្អាតចេញមកពិតៗ។ លក្ខណៈពិសេសនៃទឹកអប់នេះគឺភាពលើសលប់នៃក្លិនផ្កា Iris យ៉ាងសម្បូរបែបប្រៀបដូចជាសួនផ្កាក្រោមតំណក់ទឹកសន្សើមពេលព្រឹកយ៉ាងស្រស់ស្រាយជាទីបំផុត។
• Omnia Coral- Pure Bliss (សុភមង្គលដ៏បរិសុទ្ធ):
Omnia Coral ជាក្លិនដែលមានតួនាទីជួយបង្កើតពេលវេលាវេទមន្តដ៏អស្ចារ្យឲ្យបានសម្រេចដូចបំណង ជាពិសេស គឺបង្កើតថាមពលដែលបាត់បង់ឲ្យមានឡើងវិញ និងបន្ថែមកម្លាំងពីធម្មជាតិរបស់លោកអ្នកឲ្យកាន់តែស្វាហាប់។ គុណសម្បត្តិពីធម្មជាតិនៃក្លិនផ្ការំយោល (Hibiscus) ដែលសម្បូរដុះនៅតំបន់ត្រូពិកស័ក្តិសមនឹងក្លិនផ្លែទទឹមដែលសម្បូរទឹកដមផងនោះត្រូវបានច្របាច់លាយបញ្ចូលគ្នាយ៉ាងស្អិតរមួតលេចចេញជាក្លិនពាក់កណ្តាលផ្កា ពាក់កណ្តាលផ្លែឈើប្រកបដោយអត្ថប្រយោជន៍ដូចផ្កាថ្មក្រហម (Red Coral) ដ៏មានឥទ្ធិពលក្នុងពិភពធម្មជាតិ៕
គួរបញ្ជាក់ផងដែរថា ម៉ាកទឹកអប់ Bvlgari Omnia Limited Edition បានចូលរួមសហការជាមួយនឹងអ្នកច្នៃម៉ូដហ្វេហ្សិនលំដាប់អន្តរជាតិ MARY KATRANTZOU មានលក់នៅក្នុងទីផ្សារនៃប្រទេសកម្ពុជានេះហើយ!!
Advertising Article