Sovrin
Sovrin
ឈុតក្រមួនបោះត្រា «Wax Sealing » វត្ថុអនុស្សាវរីយ៍ប្រណីតរៀបចំដោយ Floria Cambodia
TRAVEL & LIVING 2 years ago
ធ្លាប់មានអារម្មណ៍ស្ទាក់ស្ទើរស្មុគស្មាញក្នុងការសម្រេចចិត្តជាវវត្ថុអនុស្សាវរីយ៍សម្រាប់ជូនមិត្តភក្តិនិងមនុស្សជាទីស្រឡាញ់នាពេលកន្លងមកមែនដែរឬទេ? កុំបារម្ភ! ឥឡូវនេះ លោកអ្នកនឹងបានស្គាល់ Floria Cambodia ដែលជាក្រុមយុវជនកំពុងបង្កើតសេវាកម្មរៀបចំគ្រឿងវត្ថុអនុស្សាវរីយ៍ទាន់សម័យដើម្បី ឆ្លើយតបនឹងតម្រូវការក្នុងសង្គមទំនើបនាពេលបច្ចុប្បន្ន។ Floria Cambodia ត្រូវបានបង្កើតឡើងកាលពី ពេលថ្មីៗនេះដោយគំនិតផ្តួចផ្តើមរបស់យុវជនយុវតីខ្មែរពីររូបគឺ ឡេង ត្យាលីតតា និង ឡេង ត្យាលីហ្សា រស់នៅក្នុងខេត្តសៀមរាបដែលបានពាំនាំមកនូវប្រភេទផលិតផល «Wax Sealing» ឬ ក្រមួនបោះត្រាបិទស្រោមសំបុត្រអនុស្សាវរីយ៍ដែលកំពុងមានប្រជាប្រិយភាពនៅបរទេសមកដំណើរការក្នុងទីផ្សារប្រទេស កម្ពុជាយើង។
យុវជននិងយុវតីទាំងពីរនាក់បងប្អូនបានពន្យល់ប្រាប់សូវរីនថា សព្វថ្ងៃនេះ ប្រជាជនកម្ពុជា ពុំទាន់ស្គាល់វត្ថុអនុស្សាវរីយ៍ប្រភេទ «Wax Sealing» នេះបានទូលំទូលាយនៅឡើយទេ ខណៈដែល ផលិតផលនេះត្រូវបានគេស្គាល់ច្បាស់និងពេញនិយមប្រើប្រាស់ច្រើននៅក្រៅប្រទេស។ ដូចនេះ ពួក គេទាំងពីរក៏សម្រេចចិត្តនាំចូលវាមកក្នុងប្រទេសដោយបង្កើតជាផេកហ្វេសប៊ុក (Facebook Page) និង អ៊ីនស្តាក្រាម (Instagram) ឈ្មោះថា Floria Cambodia ដើម្បីឲ្យអតិថិជនងាយស្រួលស្វែងរកជាវ។ សហ ស្ថាបនិកទាំងពីរបានប្រាប់ថា បច្ចុប្បន្ន ផលិតផលនេះមានច្រើនម៉ូដសម្រាប់ឲ្យភ្ញៀវធ្វើការជ្រើសរើសបាន តាមចំណង់ចំណូលចិត្តតាមរយៈការទស្សនារូបថតដែលបានបង្ហោះលើផេកជាហូរហែ។ ឈុតនីមួយៗ មានតម្លៃចាប់ពី១២ដុល្លាររហូតដល់១៨ដុល្លារអាស្រ័យលើម៉ូដជាក់ស្តែងដែលក្នុងនោះរួមមាន ត្រា ក្រមួន បោះត្រា និង ទៀន។ ក្រមួនមានខ្នាតតូច ខ្នាតធំ និង ពណ៌ខុសៗគ្នាទៅតាមឈុតដែលលោកអ្នកជ្រើស រើសដូចក្នុងរូប។ អ្វីដែលពិសេសបំផុតនោះគឺគ្រប់ឈុតទាំងអស់សុទ្ធតែមានសំបកប្រអប់ប្រកបដោយ សោភ័ណភាពគួរឲ្យទាក់ទាញមិនធ្វើឲ្យលោកអ្នកទទួលខកបំណងឡើយ។
ជាមួយគ្នានេះដែរ Floria Cambodia ក៏មានផ្តល់សេវាកម្មវេចខ្ចប់ដោយឥតគិតថ្លៃ និង មាន រៀបចំជាស្រោមសំបុត្រអនុស្សាវរីយ៍ដ៏ស្រស់ស្អាតភ្ជាប់ជាមួយកាដូក្នុងតម្លៃត្រឹមតែ១០០០រៀល-២០០០ រៀលប៉ុណ្ណោះ។ ក្រុមនេះក៏មានគម្រោងចង់បន្ថែមឲ្យមានផលិតផលត្រាឆ្លាក់ឈ្មោះតម្រូវចិត្តអតិថិជន នៅពេលខាងមុខនេះដែរ។ សូមប្រិយមិត្តទាំងអស់មេត្តារង់ចាំតាមដានផលិតផលថ្មីៗរបស់ពួកគេនៅលើ ផេកនិងអ៊ីនស្តារក្រាម Floria Cambodia ជាប្រចាំ! ប្រសិនបើលោកអ្នកមានបំណងចង់ជាវ គ្រាន់តែផ្ញើសារទៅកាន់ផេកខាងលើជាការស្រេចនិងមានបម្រើសេវាកម្មដឹកជញ្ជូនគ្រប់២៥ខេត្ត-រាជធានី។
Article by SRINSOKMEAN
