Sovrin
Sovrin
ហាងម៉ូដសម្លៀកបំពាក់ H&M នាំអ្នកទៅកាន់ទំនោរនិយមហ្វេហ្សិនកាន់តែស៊ីវិល័យលើសពីការរំពឹងទុក
NEWS 2 years ago
កាលពីព្រឹកថ្ងៃសុក្រ ទី១៨ ខែមីនា ឆ្នាំ២០២២ កន្លងទៅថ្មីៗនេះ ស្លាកយីហោម៉ូដសម្លៀកបំពាក់ដ៏ល្បីលំដាប់អន្តរជាតិ H&M បានបើកសម្ពោធដំណើរការដោយជោគជ័យក្នុងផ្សារទំនើបអ៊ីអនភ្នំពេញ (AEON MALL PHNOM PENH) ជាន់ផ្ទាល់ដីដែលលាតសន្ធឹងដល់ជាន់ទី១ ប្រកបដោយសោមនស្សក្រៃលែងផងដែរ។ ទន្ទឹមនឹងការបើកសម្ពោធស្វាគមន៍វត្តមានរបស់ហាងម៉ូដសម្លៀកបំពាក់ H&M នេះ គេសង្កេតឃើញថាអតិថិជនជាច្រើនមកពីមជ្ឈដ្ឋានខុសៗគ្នាបានធ្វើការតម្រង់ជួររង់ចាំជាវនូវម៉ូដសម្លៀកបំពាក់ដ៏ប្រណីតនេះពុំជិនណាយឡើយ បើទោះបីជាហាងម៉ូដសម្លៀកបំពាក់ហ្វេហ្សិន H&M បើកដំណើរការលក់នៅម៉ោង ៩ ព្រឹកក៏ដោយ។
លោក Philippe Lassaux ជានាយកប្រតិបត្តិប្រចាំប្រទេសកម្ពុជា និងប្រទេសថៃរបស់ H&M បានមានប្រសាសន៍ថា «ជាភាពរីករាយ និងសេចក្តីរំភើបចិត្តណាស់ដែលបានឃើញមនុស្សជាច្រើនដែលកំពុងរង់ចាំការបើកហាងដំបូងរបស់ H&M នៅទីក្រុងភ្នំពេញ។ យើងខ្នះខ្នែងក្នុងការនាំយកម៉ូត និងគុណភាពក្នុងតម្លៃដ៏ល្អបំផុត ក្នុងមធ្យោបាយប្រកបដោយ និរន្តន៍ភាព ទៅកាន់ទីក្រុងថ្មីមួយ។ យើងពិតជាកោតសរសើរចំពោះការស្វាគមន៍ដ៏ល្អ ដែលយើងមានវត្តមាននៅក្នុងទីក្រុងភ្នំពេញ។ យើងទន្ទឹងរង់ចាំក្នុងការផ្តល់ជូននូវការបណ្តុំម៉ូតសម្លៀកបំពាក់ H&M និងធ្វើឱ្យអតិថិជនរបស់យើងរំភើបចិត្ត ក្នុងការបង្កើតស្ទាយហ្វេហ្សិនផ្ទាល់ខ្លួនដែលជាទំនោរនិយមរបស់ពួកគេ»។
យ៉ាងណាមិញ ស្ថិតនៅក្នុងការបើកសម្ពោធហាងម៉ូដសម្លៀកបំពាក់ដ៏ល្បីល្បាញ និងពេញនិយមរបស់ H&M គេសង្កេតឃើញមានវត្តមានរបស់អ្នកដែលមានឥទ្ធិពលក្នុងបណ្តាញសង្គម (Influencers) ដូចជា៖ កញ្ញា ស្រីនា, ហុង ស្រីពេជ្រ, តារា មុនីរ័ត្ន, ប៉ែន ចំរុង, វ៉ាន់ ម៉ៅហ្សូលីនដា, វី ឌីណែត, គឹម ម៊ីសៀង, តេង ហ៊តណារ៉ុង, អ៊ិន សេងហួ និង យឹម ណារ៉ ដើម្បីទទួលយកបទពិសោធន៍ថ្មីៗក្នុងការបើកដំណើរការហាង H&M ដំបូងគេក្នុងរាជធានីភ្នំពេញនេះផងដែរ។ ដោយឡែក សម្រាប់កម្មវិធីនៃថ្ងៃបើកដំណើរការលក់ដំបូងក៏មានការប្រគល់រង្វាន់ដល់អតិថិជនដំបូងដែលបានតម្រង់ជួរ ចម្រៀងជូនពរ និងពិធីកាត់ខ្សែបូសម្ពោធជាផ្លូវការដោយ លោក Philippe Lassaux: CEO & Country Manager នៃ H&M ប្រទេសកម្ពុជានិង ប្រទេសថៃ, Syed Hamza Ameer: អ្នកគ្រប់គ្រងប្រតិបត្តិការ, Pimmnapah Sithisuppaya: អ្នកគ្រប់គ្រងប្រចាំតំបន់, Amyna Chamrong: អ្នកគ្រប់គ្រងហាង Mr. Tsuboya Masayuki: Managing Director of Aeon Mall Cambodia, Mr. Yoshioka Satoru: General Manager of Aeon Mall Cambodia, Mr. Kakuhari Keiichiro: Leasing General Manager of Aeon Mall Cambodia and Ms. Kannitha Nuon, Leasing Manager of Aeon Mall Cambodia ។
គួរបញ្ជាក់ផងដែរថា ហាងម៉ូដសម្លៀកបំពាក់ H&M មានទីតាំង G-ជាន់ទី1 ក្នុង Sweet Zone ផ្សារទំនើបអ៊ីអនម៉លភ្នំពេញ (AEON Mall Phnom Penh ) ចាប់ផ្តើមបើកជារៀងរាល់ថ្ងៃពីម៉ោង 9:00 ព្រឹក ដល់ 10:00 យប់។ ដើម្បីអបអរសាទរនៃការបើកសម្ភោធដំណើរការរបស់ខ្លួន H&M មានការបញ្ចុះតម្លៃ ២៥% គ្រប់មុខទំនិញ ម៉ូដសម្លៀកបំពាក់ លើតម្លៃធម្មតាសម្រាប់រយៈពេលតែ 3ថ្ងៃ ចាប់ពីថ្ងៃទី ១៨ ដល់ថ្ងៃទី ២០ ខែមីនា ឆ្នាំ 2022៕
