“The Muse of Now” នឹងបង្ហាញភាពអស្ចារ្យនៅក្នុងវិស័យហ្វេហ្សិនសម្រាប់ឆ្នាំ២០២២នេះ
NEWS 2 years ago នៅល្ងាចថ្ងៃទី០២ ខែមេសា ឆ្នាំ២០២២ កន្លងទៅថ្មីៗនេះ ស្ថិតនៅសណ្ឋាគារ Rosewood Phnom Penh ជាន់ទី ៣៩ (Pavilion) បានរៀបចំព្រឹត្តិការណ៍ការជួបជុំភ្ញៀវកិត្តិយស អ្នកច្នៃម៉ូដហ្វេហ្សិន និងតារាបង្ហាញម៉ូដជាច្រើនរូប ដើម្បីធ្វើសន្និសីទកាសែតស្តីពីវត្តមានរបស់អ្នកច្នៃម៉ូដដែលត្រៀមនឹងបង្ហាញខូឡិកហ្សិនរបស់ខ្លួននៅដើម ខែឧសភា ឆ្នាំ២០២២ ក្រោយពីបានផ្អាកការប្រារព្ធកម្មវិធី Phnom Penh Designers Week 2021 កន្លងទៅដោយសារការរីករាលដាលនៃ វីរុសកូវីដ១៩។ ទន្ទឹមនឹងការប្រារព្ធព្រឹត្តិការណ៍នេះដែរ គេសង្កេតឃើញថាអ្នកច្នៃម៉ូដហ្វេហ្សិនមានចំនួន ៨ រូបដែលសុទ្ធសឹងតែមានស្លាកយីហោសម្លៀកបំពាក់ហ្វេហ្សិនផ្ទាល់ខ្លួនដូចជា៖ SCT, AMBRE MEN, DON PROTASIO, ARMADA BY ABELLO, A.N.D, DREWE TAYLOR, WATERLILY, ALEREDO VAZEZ ជាដើមផងដែរ។
គួរបញ្ជាក់ផងដែរថា កម្មវិធី Phnom Penh Designers Week តែងតែមានការរៀបចំឡើងជារៀងរាល់មួយឆ្នាំម្តង រីឯខូឡិកហ្សិនដែលត្រូវបានបង្ហាញម៉ូដហ្វេហ្សិនដោយអ្នកច្នៃម៉ូដគ្រប់រូបសុទ្ធសឹងតែជាខូឡិកហ្សិនដែលមានលក្ខណៈស្រស់ស្អាត ឆើតឆាយ និងភាពអេឡេហ្គង់ពោរពេញទៅដោយអត្ថន័យដ៏ជ្រាលជ្រៅ៕
Article by PAN SIVLY