×

គុណសម្បត្តិ​និង​គុណវិបត្តិ​នៃ​វ៉ែនតា​ ​និង​ ​កែវ​ដាក់ភ្នែក​ (​Contact Lens​)

TRAVEL & LIVING 3 months ago
 
 

          ​ភ្នែក​ជា​សរីរាង្គ​ដែល​សំខាន់​បំផុត​មួយ​របស់​មនុស្ស​គ្រប់រូប​។​ ​ចក្ខុវិញ្ញាណ​ជួយ​មនុស្សយើង​ក្នុង​ការរស់នៅ​ប្រចាំថ្ងៃ​ ​សិក្សា​រៀនសូត្រ​ ​ធ្វើការ​ ​ឬ​ ​ប្រកបរបរ​អាជីវកម្ម​ផ្សេងៗ​បាន​យ៉ាង​ងាយស្រួល​ ​ប៉ុន្តែ​ប្រសិនបើ​ចក្ខុវិញ្ញាណ​របស់យើង​ប្រែជា​ខ្សោយ​ខុសប្រក្រតី​ ​នោះ​យើង​ចាំបាច់​ត្រូវតែ​ស្វែងរក​ដំ​ណះ​ស្រាយ​ដើម្បី​កែខៃ​ស្ថានការណ៍​ជា​ប្រញាប់​។​ ​តើ​ដើម្បី​ជំនួយ​សមត្ថភាព​ភ្នែក​ឲ្យ​ល្អឡើង​វិញ​ ​យើង​គួរ​ប្រើ​វ៉ែនតា​ ​ឬ​ ​ប្រើ​កែវ​ដាក់ភ្នែក​ (​Contact Lens​)? ​មួយ​ណា​ជា​ជម្រើស​ល្អ​​​ជាង​សម្រាប់​អ្នក​

          ​យោង​តាម​ការស្រាវជ្រាវ​របស់​គេហទំព័រ​វេជ្ជ​សា​ស្រ្ត​បរទេស​ឈ្មោះ​ ​w​w​w​.​classic​vision​care​.​co​m​ ​វ៉ែនតា​ត្រូវ​បាន​បង្កើត​ឡើង​ដំបូង​ក្នុង​គោលបំណង​ជួយ​មនុស្ស​ដែល​កើតជំងឺ​ភ្នែក​ម្ញ៉ូ​ប​ជិត​ឬ​ស្រវាំង​ជិត​ (​Farsightedness​) ​តាមរយៈ​ការ​ជួយ​ពង្រីក​អក្សរពុម្ព​ដើម្បីឲ្យ​អ្នកជំងឺ​អាច​អាន​និង​សរសេរ​បាន​ច្បាស់​។​ ​ក្រោយមក​ច្រើន​ឆ្នាំ​បន្ទាប់​ ​ទើប​មានការ​បង្កើត​កញ្ចក់វ៉ែនតា​ប្រភេទ​ ​Concave​ ​Lens​ ​ដើម្បី​ជំនួយ​ដល់​អ្នក​កើតជំងឺ​ភ្នែក​ម្ញ៉ូ​ប​ឆ្ងាយ​ ​ឬ​ ​ស្រវាំង​ឆ្ងាយ​ (​Short​sight​e​d​n​e​ss/ ​Myopia​) ​ជាពិសេស​សម្រាប់​អ្នក​ដែល​មាន​វ័យ​ជាង​៤​០​ឆ្នាំ​ឡើង​។​ ​រីឯ​កែវ​ដាក់ភ្នែក​ ​ឬ​ ​Contact​ ​L​e​n ​វិញ​ ​ត្រូវ​បាន​ផលិត​ឡើង​ដំបូង​នៅ​ចុង​ស​.​វ​.​ទី​១​៩​ ​ហើយ​វិវឌ្ឍ​មក​ជា​ប្រភេទ​ធ្វើ​ពី​ប្លាស្ទិក​ ​និង​ប្រភេទ​ទន់​ដែល​ផ្តល់​ភាព​ងាយស្រួល​ដល់​អ្នកប្រើប្រាស់​ជាង​មុន​។​ ​ខាងក្រោម​នេះ​ជា​គុណសម្បត្តិ​ ​និង​គុណវិបត្តិ​នៃ​ផលិតផល​ទាំងពីរ​ប្រភេទ​ខាងលើ​ដែល​លោកអ្នក​អាច​ធ្វើ​ការពិចារណា​មុននឹង​ជ្រើសរើស​ប្រើប្រាស់​ជាក់ស្តែង​:

- វ៉ែនតា​ផ្តល់​ភាព​ងាយស្រួល​ក្នុង​ការ​លាង​ស​ម្អា​ត​ ​និង​ ​មាន​ហា​និ​ភ័យ​ក្នុង​ការប្រើប្រាស់​ទាប​ជាង​កញ្ចក់​ ​l​e​n​។​ ​ប្រសិនបើ​លោកអ្នក​ភ្លេច​ស​ម្អា​ត​វ៉ែនតា​ ​វា​មិនសូវ​ជា​មាន​បញ្ហា​ចោទ​ធំដុំ​ប៉ុន្មាន​ទេ​។​ ​ផ្ទុយ​ ​ទៅវិញ​ ​បើ​អ្នក​ភ្លេច​ស​ម្អា​ត​កញ្ចក់​ ​l​e​n ​វិញ​ ​នោះ​អ្នក​អាច​នឹង​ប្រឈមមុខនឹង​កំហូច​កែវភ្នែក​ទាំងស្រុង​ជា​រៀង​រហូត​។​ ​ការ​បង្កើត​កញ្ចក់​ ​l​e​n ​ដែល​ប្រើ​ហើយ​បោះចោល​ជា​ប្រចាំថ្ងៃ​បាន​ជួយ​កាត់បន្ថយ​គ្រោះថ្នាក់​នេះ​ ​ប៉ុន្តែ​លោកអ្នក​នៅតែ​ត្រូវ​ប្រុងប្រយ័ត្ន​ថែទាំ​វា​ជាប្រចាំ​ដែរ​។​

- កញ្ចក់​ ​l​e​n ​ជួយ​អ្នក​ពាក់​ឲ្យ​ស្ទើរតែ​ភ្លេច​គិតថា​ខ្លួនឯង​មាន​បញ្ហា​ភ្នែក​ដោយសារ​វា​មិន​ធ្ងន់​ដូច​វ៉ែនតា​ដែល​មាន​ស៊ុម​ជុំវិញ​។​ ​វា​ផ្តល់​ភាព​ងាយស្រួល​ក្នុង​ការ​ធ្វើ​ចលនា​ដោយសេរី​មិន​ចាំបាច់​ខ្វល់​ថា​វា​នឹង​ជ្រុះ​ធ្លាក់​ ​ឬ​ ​ធ្វេសប្រហែស​វង្វេងដៃ​បាត់​ដូច​ពេល​អ្នកប្រើ​វ៉ែនតា​នោះ​ទេ​។​

- វ៉ែនតា​អាច​រំខាន​ដល់​ការ​សម្លឹង​មើល​របស់​លោកអ្នក​ ​នៅពេលដែល​លោកអ្នក​ព្យាយាម​សម្លឹង​មើលទៅ​ខាង​គែម​សងខាង​នៃ​ភ្នែក​។​ ​យើង​មិន​មាន​បញ្ហា​នេះ​ទេ​ ​នៅ​ពេល​យើង​ពាក់​កញ្ចក់​ ​l​e​n​។​ ​ម្យ៉ាងទៀត​ ​វ៉ែនតា​ងាយ​នឹង​ស្រអាប់​នៅ​ពេល​ត្រូវ​សំណើម​នៅ​ខាងក្រៅ​ឬនៅ​ពេល​អ្នក​ពាក់​ចាកចេញ​ពី​បរិយាកាស​ត្រជាក់​ទៅកាន់​កន្លែង​ក្តៅ​។​ប៉ុន្តែ​ទន្ទឹម​នឹង​នេះ​វា​ជួយការ​ពារ​ភ្នែក​យើង​ពី​ធូលី​និង​កំទេចកំទី​ផ្សេងៗ​ដែរ​។​

- វ៉ែនតា​ជា​ជម្រើស​ប្រសើរ​ជាង​សម្រាប់​អ្នកប្រើប្រាស់​កុំព្យូទ័រ​រយៈពេល​យូរ​ ​ឬ​ ​ចំណាយ​ពេល​ ​អន​ឡា​ញ​ច្រើន​ក្នុង​ពេលទំនេរ​។​ ​ការ​ចំណាយ​ពេល​មុខ​អេក្រង់​យូរ​ម៉ោង​ពេក​បណ្តាលឲ្យ​ភ្នែក​ចុក​រោយ​ ​និង​ ​ស្ងួត​ខ្លាំង​។​ ​ដូចនេះ​ ​វ៉ែនតា​ផ្តល់​ផាសុកភាព​សម្រាប់​អ្នកប្រើ​កុំព្យូទ័រ​ ​និង​ ​អ្នក​ដែល​មាន​ភ្នែក​ងាយ​រង​ប្រតិកម្ម​ ​ឬ​ ​បញ្ហា​រំខាន​ចំពោះ​ភ្នែក​នានា​។​

- ទាំង​វ៉ែនតា​និង​កញ្ចក់​ ​l​e​n ​សុទ្ធសឹងតែ​ជួយ​ឲ្យ​លោកអ្នក​អាច​បញ្ចេញ​សម្រស់​តាម​រស​និយម​ផ្ទាល់ខ្លួន​។​ ​ទោះបីជា​យ៉ាងនេះ​ក្តី​ ​យើង​ឃើញ​ថា​ ​ចំពោះ​កញ្ចក់​ ​l​e​n ​លោកអ្នក​អាច​ផ្លាស់ប្តូរ​ពណ៌​ភ្នែក​ជា​ច្រើនពណ៌​តាម​ចំណង់ចំណូលចិត្ត​។​

- កញ្ចក់​ ​l​e​n ​តម្រូវ​ឲ្យ​លោកអ្នក​ចំណាយ​ថវិកា​ច្រើនជាង​ការ​ទិញ​វ៉ែនតា​ ​ជាពិសេស​ចំពោះ​ជម្រើស​ប្រភេទ​ ​l​e​n ​ដែល​ប្រើ​ហើយ​បោះចោល​ជា​រៀងរាល់ថ្ងៃ​។​ ​ដើម្បី​សន្សំសំចៃ​ប្រាក់​ ​លោកអ្នក​អាច​ទិញ​ប្រភេទ​ ​l​e​n ​ដែល​អាច​ពាក់​បាន​រយៈពេល​ ​៦​ខែ​ ​ឬ​ ​ពេញ​មួយ​ឆ្នាំ​។​ ​ប៉ុន្តែ​ជាមួយគ្នា​នេះ​ដែរ​ ​លោកអ្នក​ត្រូវ​សាកសួរ​តាមដាន​ជាប្រចាំ​ជាមួយ​ពេទ្យ​ជំនាញ​ដើម្បី​ទទួល​បាន​វេជ្ជបញ្ជា​បន្ថែម​ក្រោយ​អំឡុង​ពេល​នោះ​។​

           ​ក្រោយ​ពី​បាន​អាន​ចំណុច​ប្រៀបធៀប​ទាំង​៦​ចំណុច​ខាងលើ​ ​តើ​អ្នក​យល់ថា​ ​រវាង​វ៉ែនតា​ ​និង​ ​កែវ​ដាក់ភ្នែក​ ​មួយ​ណា​ស័ក្តិសម​ចំពោះ​លោកអ្នក​ផ្ទាល់​? ​ប្រសិនបើ​លោកអ្នក​នៅតែ​ស្រពេចស្រពិល​ ​សូម​មេត្តា​រួសរាន់​ធ្វើ​ការទាក់ទង​ទៅកាន់​ចក្ខុពេទ្យ​ដែល​នៅ​ជិត​លោកអ្នក​ជាទីបំផុត​ ​ព្រោះ​ពួកគាត់​ច្បាស់​អាច​ផ្តល់​យោបល់​ដ៏​ត្រឹមត្រូវ​ជូន​លោកអ្នក​ពី​បញ្ហា​ទាំងនេះ​!

Article by SRIN SOKMEAN


SUGGESTIONS