Sovrin
Sovrin
«និរន្តរ៍-Niranta» ម៉ាកយីហោគ្រឿងអលង្ការបែបប្រណីតបង្កេីតដោយកូនខ្មែរ
TRAVEL & LIVING 7 months ago
និរន្តរ៍ ឬហៅជាភាសាអង់គ្លេសថា Niranta ត្រូវបានប្រសិទ្ធនាមឡេីងជាម៉ាកយីហោនៃគ្រឿងអលង្ការដ៏ប្រណីតមួយដែលបានបង្កេីតឡេីងដោយកូនខ្មែរ។ តាមការបង្ហេីបពីសហស្ថានិកលោក វុធ លីណូ បានឱ្យដឹងថា ដោយលោកមានទស្សនវិស័យគឺចង់បង្កេីតគ្រឿងអលង្ការដែលប្រណីត មានអាយុកាលយូរអង្វែង និងមេីលទៅស្រស់ស្អាតជានិច្ច មិនចេះធុញទ្រាន់ទោះហួសសម័យកាលក៏ដោយ ទេីបលោកសម្រេចចិត្តជ្រេីសរេីសពាក្យនិរន្តរ៍ជាឈ្មោះនៃម៉ាកយីហោគ្រឿងអលង្ការរបស់លោក។
ជាការពិត គ្រឿងអលង្ការ គឺជាជំនួបរវាងសម្ភារៈមានតម្លៃ និងភាពស្រស់ស្អាត ហេីយបង្រួមមកជាវត្ថុប្រណីតមួយដែលអាចពាក់លម្អលេីខ្លួនបាន។ វាឆ្លុះបញ្ចាំងពីទស្សន ចំណង់ចំណូលចិត្ត អារម្មណ៍ សោភណភាព និងរសនិយមរបស់មនុស្សម្នាក់ៗ។ ជាមួយគ្នានេះដែរ និរន្តរ៍មានឯកទេសច្នៃម៉ូតទៅលេីគ្រឿងអលង្ការបែបតិចនិយម(Minimalist) ហេីយសម្រាប់ការចេញម៉ូត ភាគច្រេីនដកស្រង់ចេញពីធម្មជាតិ ស្នាដៃបង្កេីតដោយមនុស្ស ជាពិសេសផ្នែករចនា និងស្ថាបត្យកម្មជាដេីម។ សហស្ថាបនិកក៏មានចំណាប់អារម្មណ៍ចំពោះគំនិត និងទម្រង់នៅក្នុងវប្បធម៌ជីវិតរស់នៅរបស់ខ្មែរ ដេីម្បីទាញវាមកផ្តល់តម្លៃសារជាថ្មីនៅក្នុងទម្រង់ជាគ្រឿងអលង្ការផងដែរ។
លោក វុធ លីណូ
ជាមួយគ្នានេះដែរ គ្រប់គ្រឿងអលង្ការ ត្រូវបានបង្កេីតឡេីងយ៉ាងយកចិត្តទុកដាក់ លម្អិតផ្ចិតផ្ចង់ទៅលេីគ្រប់ដំណាក់កាលនៃការធ្វេី។ ទម្រាំទទួលបានសមិទ្ធផលនីមួយៗ លោក វុធ លីណូ បានបន្តឱ្យដឹងថា សម្រាប់ការច្នៃម៉ូតថ្មីសម្រាប់ភ្ញៀវជាលក្ខណៈបុគ្គល គឺលោកតែងតែស្វែងយល់ពីគោលបំណង ចំណង់ចំណូលចិត្តរបស់ភ្ញៀវសិន មុននឹងចេញម៉ូតជូន ហេីយត្រូវពិភាក្សាជាមួយភ្ញៀវនូវអ្វីដែលគាត់ចង់បាន។ ភាគច្រេីនភ្ញៀវគ្រាន់តែមានគំនិតព្រាងថាគាត់ចង់បានបែបណា នោះលោកនឹងចាប់ផ្តេីមគូររចនាព្រាងម៉ូតដោយដៃពីរបីជូន។ ហេីយបេីគាត់ត្រូវចិត្ត ឬចង់បានអ្វីបន្ថែមលេីម៉ូតណាមួយហេីយ ទេីបលោកដំឡេីងជារូប 3D ក្នុងកុំព្យូទ័រដេីម្បីឱ្យភ្ញៀវពិនិត្យមេីលម្តងទៀត។ បន្ទាប់មកគឺត្រូវចេញជាគំរូពុម្ពជ័រ ដេីម្បីយកមកចាក់ចេញជាគ្រឿង ហេីយយកគ្រឿងដែលបានចាក់ហេីយនោះ មកសម្អាត ដាំត្បូង និងសម្អាតបង្ហេីយចុងក្រោយ។ ក្រៅពីការកុម្មង់ របស់ភ្ញៀវ និរន្តរ៍ក៏មានគ្រឿងអលង្ការច្នៃម៉ូតហេីយស្រាប់ ដែលអាចធ្វេីការជាវបានភ្លាមៗផងដែរ។ ចំពោះវត្ថុធាតុដេីម និរន្តរ៍អាចធ្វេីគ្រឿងអលង្ការបានគ្រប់ប្រភេទ រាប់តាំងពីប្រាក់ ប្លាកទីន មាស ហេីយក៏ទទួលធ្វេីជាមួយត្បូងពេជ្រ និងត្បូងធម្មជាតិនានា។
ទៅថ្ងៃមុខ ចំពោះម៉ាកយីហោគ្រឿងអលង្ការនិរន្តរ៍ លោក វុធ លីណូ ក៏សង្ឃឹមទុកដែរថា ប្រជាជនខ្មែរ នឹងកាន់តែយល់ច្បាស់ និងឱ្យតម្លៃលេីស្នាដៃរចនាគ្រឿងអលង្ការបែបមានតែមួយ និងបែបបុគ្គល។ គ្រឿងអលង្ការ វាមិនត្រឹមតែជាគ្រឿងដែលយេីងអាចពាក់លម្អតែប៉ុណ្ណោះទេ តែវាក៏ជាការស្នាដៃសិល្បៈនៃការរចនាមួយ ហេីយក៏អាចចាត់ទុកបានថាវាជាកូនចម្លាក់តូចមួយផងដែរ៕
Article by SOUNG SOKSAN
