​ផ្តើម​ចេញពី​អ្នក​រាំ​ ​និង​មាន​ក្តី​ស្រលាញ់​ទៅលើ​សិល្បៈ ​លោក​ ​E​r​i​c ​Comer​c​i​ ​បាន​ប្រើប្រាស់​ទេពកោសល្យ​បញ្ជ្រាប​ខ្លួន​បន្តិច​ម្តង​ទៅ​ក្នុង​ហ្វេ​ហ្សិ​ន​ ​រហូត​ក្លាយ​ជា​អ្នក​ច្នៃ​ម៉ូដ​ដែល​បំ​ផុសគំនិត​ពី​ សិល្បៈ ​ការ​រាំ​ ​ដំណើរ​ក​ម្សាន្ត ​ចលនា​ ​និង​ ​ន​វា​នុ​វត្ត​ន៍​ហ្វេ​ហ្សិ​ន​ ​ហើយក៏​សម្រេច​ចិត្ត​បង្កើត​ម៉ាក​ស​ម្លៀ​ក​បំពាក់​មួយ​ឈ្មោះថា​ ​COMER​C​I​។​ ​ម៉ាក​សញ្ញា​ប្រកបដោយ​មហិច្ឆតា​នេះ​ ​បង្កើត​ឡើង​ដើម្បី​ឆ្លុះបញ្ចាំង​អំពី​ការធ្វើដំណើរ​របស់​លោក​នៅ​ជុំវិញ​ពិភពលោក​។​

Designer : Eric Comerci

          កាលពី​ឆ្នាំ​ ​២​០​២​៣​ ​លោក​ ​E​r​i​c ​បាន​សម្រេច​ចិត្ត​សម្ពោធ​ខូឡិ​ក​ហ្សិ​ន​ថ្មី​របស់​ខ្លួន​នៅ​ទី​ក្រុងភ្នំពេញ​ ​ដោយ​បាន​ពាំ​នាំ​នូវ​ការ​ឌី​ហ្សា​ញ​យ៉ាង​ពិសេស​មកកាន់​ទី​ផ្សារ​នៅ​កម្ពុជា​។​ ​តាម​ការ​រៀបរាប់​មកកាន់​ ​សូវ​រី​ន​ ​ម៉ាក​ស​ម្លៀ​ក​បំពាក់​របស់​លោក​បាន​បង្កើត​ឡើង​តាំងពី​ឆ្នាំ​ ​២​០​១​៧​ ​នៅ​ឯ​ប្រទេស​ជប៉ុន​។​ ​លោក​បាន​បរិយាយ​ស្ទី​ល​របស់​ ​COMER​C​I​ ​ជា​ភាសា​អង់គ្លេស​ ​៤​ ​ពាក្យ​យ៉ាង​ដូច្នេះ​ថា​ ​artistic​, ​fashion​ ​forward​, ​f​u​tur​i​s​tic​ ​និង​ ​inn​o​vat​i​v​e​ ​design​។​

          ​លោក​ ​E​r​i​c ​បន្ថែម​ថា​ ​COMER​C​I​ ​តំណាង​ឱ្យ​យុវវ័យ​ ​ជា​ការ​ឌី​ហ្សា​ញ​បែប​សិល្បៈ​ដែល​អាច​ស្លៀកពាក់​បាន​ទាំង​បុរស​ ​និង​នារី​។​ ​ចំណែក​រាងរៅ​នៃ​ការ​ឌី​ហ្សា​ញ​ ​រមែងតែ​ស៊ីគ្នា​ជាមួយ​ទំនោរ​និយម​ថ្មី​ (​trend​) ​និង​ហ្វេ​ហ្សិ​ន​លំដាប់​ខ្ពស់​ ​ហើយក៏​បត់បែន​ទៅតាម​ឧស្សាហកម្ម​ហ្វេ​ហ្សិ​ន​ទំនើប​។​

          ​បោះជំហាន​មកកាន់​កម្ពុជា​ ​ម៉ាក​ ​COMER​C​I​ ​បាន​សម្ពោធ​ខូឡិ​ក​ហ្សិ​ន​ចំនួន​ពីរ​ ​ខណៈ​ដែល​ខូឡិ​ក​ហ្សិ​ន​បន្ទាប់​ ​ក៏​នឹង​មកដល់​ក្នុងពេលឆាប់ៗ​ផង​ដែរ​។​ ​នៅ​ក្នុង​ឆ្នាំ​ ​២​០​២​៤​ ​នេះ​ ​ម៉ាក​ ​COMER​C​I​ ​បាន​កំពុង​ធ្វើការ​ទៅលើ​ខូឡិ​ក​ហ្សិ​ន​ជាច្រើន​ ​ដែល​ខូឡិ​ក​ហ្សិ​ន​នីមួយៗ​មាន​ប្រមាណ​ពី​ ​៣​០​ ​ទៅ​ ​៤​០​ ​ឈុត​។​ ​ការ​ផលិត​រួម​មាន​ ​អាវ​ ​រ៉ូប​ ​ខោ​ ​និង​គ្រឿង​តាក់តែង​កាយ​ដូចជា​ ​កាបូប​ ​និង​ស្រោមដៃ​...​ជាដើម​។​

          ​ថ្វីបើ​ជា​អ្នក​ច្នៃ​ម៉ូដ​មាន​ដើមកំណើត​មកពី​អា​ហ្សង់​ទី​ន​ ​តែ​ស្ថាបនិក​ ​លោក​ ​E​r​i​c ​បាន​យកចិត្តទុកដាក់​ចម្បង​ទៅលើ​តម្រូវ​ការ​ក្នុងស្រុក​។​ ​តួយ៉ាង​ ​រាល់​ខូឡិ​ក​ហ្សិ​ន​ ​លោក​បាន​ប្រើ​ពេល​យ៉ាង​ច្រើន​ក្នុង​ការ​ឌី​ហ្សា​ញ​ ​និង​ផលិត​ ​ដើម្បី​ប្រាកដ​ថា​ម៉ូដ​ចេញ​មក​ ​ថ្មី​ ​ទាន់សម័យ​ ​និង​មាន​ភាព​ច្នៃ​ប្រតិដ្ឋ​ខ្ពស់​។​ ​ការដែល​សំខាន់​ ​បើ​ទោះ​ឈុត​នៃ​ខូឡិ​ក​ហ្សិ​ន​មាន​លក្ខណៈ​ហ៊ាន​បង្ហាញ​ ​និង​សិចស៊ី​ ​តែ​លោក​តែងតែ​ប្រាកដ​ថា​ ​គ្រប់​ម៉ូដ​ទាំងអស់​គឺ​មិន​ខ្ពស់​ហួសហេតុ​ពេក​ ​ពោល​សមស្រប​ទៅតាម​ភាព​ស៊ីវិល័យ​របស់​អតិថិជន​កម្ពុជា​។​

          ​«​អ្វី​ដែល​សំខាន់​បំផុត​ ​អតិថិជន​ពាក់ស​ម្លៀ​ក​បំពាក់​ ​COMER​C​I​ ​មាន​អារម្មណ៍​អេ​ឡេ​ហ្គង់ ​និង​ទំនុក​ចិត្ត​»​។​ ​លោក​ ​E​r​i​c ​បញ្ជាក់​។​

          ​ជា​ការពិត​ ​តាំងពី​សម្ពោធ​មក​ ​ម៉ាក​ ​COMER​C​I​ ​មានការ​ទទួលស្គាល់​ពីសំណាក់​ភ្ញៀវ​មកពី​គ្រប់​វិ​ស​័​យ​ ​រាប់​តាំងពី​តារា​ល្បី​ៗ​ក្នុងស្រុក​ ​Influence​r ​តារា​បង្ហាញ​ម៉ូដ​ ​និង​អ្នក​ច្នៃ​ម៉ូដ​ដទៃ​ផង​ដែរ​។​ ​លោក​ ​E​r​i​c ​ថា​អតិថិជន​របស់​លោក​ ​ជា​ប្រភេទ​មនុស្ស​ដែល​ហ៊ាន​ស្លៀកពាក់​នូវ​ភាព​ខុសប្លែក​ ​មាន​ភាព​ ​unique​ ​រួម​ជាមួយ​ទំនុក​ចិត្ត​ផ្ទាល់ខ្លួន​របស់​ពួកគេ​។​ ​ដូច​ឃើញ​ជាក់ស្តែង​ ​ភ្ញៀវ​ដែល​ទិញ​ឈុត​ខូ​វ​ប៊​យ​ម៉ូដ​ត្រួត​គ្នា​លាយ​ជាមួយ​ ​hood​i​e​ ​គ្រាន់តែ​ពាក់​ភ្លាម​ ​ពួកគេ​មើលទៅ​ឡូយ​ឆាយ​បែប​យុវវ័យ​មួយរំពេច​។​ ​នេះ​ហើយ​ជា​រសជាតិ​របស់​ ​COMER​C​I​ ​ដែល​ជា​ស្ទី​ល​ប្លែក​រួមបញ្ចូល​គ្នា​រវាង​ទំនើបកម្ម​ ​និង​ហ្វេ​ហ្សិ​ន​ថ្មី​បំផុត​។​

          ​មក​ដឹង​អំពី​យុទ្ធសាស្ត្រ​ទី​ផ្សារ​ ​លោក​ ​E​r​i​c ​ប្រាប់​ថា​ ​ក្នុង​មួយ​ឆ្នាំ​លោក​បញ្ចេញ​ខូឡិ​ក​ហ្សិ​ន​ចំនួន​ ​៤​ ​ដង​។​ ​លោក​នឹង​បង្កើត​ជា​វីដេអូ​ផ្សព្វផ្សាយ​ ​ដោយមាន​អ្នក​រាំ​ពាក់ស​ម្លៀ​ក​បំពាក់​របស់​ ​COMER​C​I​។​ ​វីដេ​អូ​នេះ​នឹង​បង្ហាញ​អំពី​ភាព​បត់បែន​នៃ​ក្រណាត់​ ​ព្រមទាំង​ភ្ជាប់​មក​ជាមួយ​សាច់រឿង​នៃ​ខូឡិ​ក​ហ្សិ​ន​ផង​ដែរ​។​

          ​ចំពោះ​ផល​លំបាក​វិញ​ ​លោក​ថា​វា​តែងតែ​ពិបាក​ក្នុង​កា​របើក​ប្រ៊េ​ន​មួយ​នៅ​ក្នុង​ទី​ផ្សារ​​​ដែល​មាន​ការប្រកួតប្រជែង​ខ្លាំង​។​ ​តែ​ជា​សំណាងល្អ​ ​លោក​ ​និង​ក្រុម​ការងារ​តែងតែ​រិះរក​វិធី​ខុសប្លែក​ដើម្បី​បង្ហាញ​នូវ​ផលិតផល​របស់​ខ្លួន​។​ ​ដូចជា​ពេល​សម្ពោធ​ខូឡិ​ក​ហ្សិ​ន​កន្លងមក​ ​លោក​បាន​រួមបញ្ចូល​តារា​បង្ហាញ​ម៉ូដ​អន្តរជាតិ​ ​និង​សិល្បករ​មកពី​ជំនាញ​ផ្សេងៗ​គ្នា​ដូចជា​ ​ឌី​ជេ ​អ្នក​រាំ​ ​និង​អ្នក​សម្តែង​ជាដើម​។​ ​មួយវិញទៀត​ ​លោក​ក៏​ជ្រើសរើស​ទីតាំង​ដើរ​បង្ហាញ​ម៉ូដ​ដែល​មាន​លក្ខណៈ​ប្លែក​ ​និង​ទ្រង់ទ្រាយ​ធំ​ផង​ដែរ​។​

          ​សម្រាប់​គោលដៅ​របស់​ ​COMER​C​I​ ​នឹង​ឆ្ពោះទៅ​កាន់ការ​បើក​ហាង​ស​ម្លៀ​ក​បំពាក់​នៅ​ឆ្នាំក្រោយ​ ​ខណៈ​ដែល​បច្ចុប្បន្ន​ ​ស្ថាបនិក​ ​លោក​ ​E​r​i​c ​បាន​កំពុង​ផ្តោត​ជំរុញ​ម៉ាក​យីហោ​នៅ​លើ​បណ្តាញ​សង្គម​ ​ដើម្បី​កសាង​ប្រ៊េ​ន​ឱ្យ​កាន់តែ​ទូលំទូលាយ​ ​និង​មានការ​ទទួលស្គាល់​កាន់តែ​ច្រើន​៕​

Article by​ ​HEM​ ​SOKKHIM​ (​Z​M​)