SOK NAN បញ្ចេញខូឡិកហ្សិនថ្មី ទាក់ទាញមេត្រីនៃនារីស៊ីវីល័យសម័យថ្មី
NEWS 4 years ago«The Rumination-Substractive» គឺជាខូឡិកហ្សិនដ៏ថ្មីស្រឡាងមួយសម្រាប់រដូវកាល spring and summer ២០២០ របស់អ្នករចនាម៉ូដរៀមច្បង SOK NAN ទើបតែបង្អួតរាងកាលពីល្ងាចថ្ងៃទី០១ ខែវិច្ឆិកា ឆ្នាំ ២០១៩ នេះនៅមជ្ឈមណ្ឌលពហុបំណង Raintree។ កម្មវិធីបង្ហាញម៉ូដនេះក៏មានការចូលរួមពីសំណាក់តារាបង្ហាញម៉ូដ អ្នកហ្វេហ្សិននិយម និងនារីស៊ីវិល័យជាច្រើនរូបផងដែរ។ គ្រប់ឈុតសម្លៀកបំពាក់នៃខូឡិកហ្សិន «The Rumination-Subtractive » នេះហាក់បានទាក់ទាញចំណីចក្ខុនារីទាន់សម័យទាំងឡាយដែលបានចូលរួមក្នុងកម្មវិធីបង្ហាញម៉ូដ ទស្សនាគយគន់យ៉ាងជក់ចិត្តដិតអារម្មណ៍ជាទីបំផុត។ តាមការឲ្យដឹងពីអ្នករចនាម៉ូដ Sok Nan បានឲ្យដឹងថា ខូឡិកហ្សិនមួយនេះបានរចនាឡើងយ៉ាងផ្ចិតផ្ចង់ និងបានផ្តោតអារម្មណ៍ខ្លាំងទៅលើភាគល្អិតៗជាច្រើនដែលបានបង្កប់លើសម្លៀកបំពាក់នោះ គួបផ្សំជាមួយនឹងបទពិសោធន៍នៃការរចនាម៉ូដជាច្រើនឆ្នាំកន្លងមក បានធ្វើឲ្យខូឡិកហ្សិនថ្មីមួយនេះកាន់តែមានភាពលម្អិតនិងស្រស់ស្អាតថែមមួយកម្រិតទៀតផង។ ជាមួយនឹងចក្ខុវិស័យដើម្បីលើកកម្ពស់វិស័យហ្វេហ្សិននៅកម្ពុជាផងនោះ «The Rumination-Subtractive» ក៏នឹងក្លាយជានិម្មិតសញ្ញានៃស្លាកយីហោ SOKNAN Boutique នេះផងដែរ៕
Article by KEO SONG