×

ប្រជុំ​ម៉ូដ​ស​ម្លៀ​ក​បំពាក់​ច្នៃ​ឡើងវិញ​ដែល​អាច​ជា​គំនិត​សម្រាប់​ការ​លេងខ្លួន​

FASHION & BEAUTY 2 years ago
 
 

            ស​ម្លៀ​ក​បំពាក់​ច្នៃ​ឡើងវិញ​បាន​កំពុង​ពេញ​និយម​ពីសំណាក់​យុវវ័យ​ ​ដោយហេតុ​វា​ឆ្លុះបញ្ចាំង​ពី​ហ្វេ​ហ្សិ​ន​ពោ​ពេញដោយ​គំនិត​ច្នៃ​ប្រតិដ្ឋ​ ​និង​ការ​បង្ហាញ​ពី​ការ​គិតគូរ​ទៅលើ​បរិស្ថាន​ដោយ​ចាប់ផ្តើម​ពី​មនុស្ស​ជំនាន់​ថ្មី​។​ ​ស​ម្លៀ​ក​បំពាក់​ច្នៃ​ឡើងវិញ​ ​អាច​ចាប់ផ្តើម​ពី​អ្នក​ ​ចាប់ផ្តើម​ពី​ការប្រើប្រាស់​ស​ម្លៀ​ក​បំពាក់​ជជុះ​ឬ​ស​ម្លៀ​ក​បំពាក់​ធ្លាប់​ប្រើប្រាស់​រួច​យកមក​បង្កើត​ម៉ូដ​ថ្មី​ទៅតាម​ស្ទា​យ៌​កំពុង​ពេញ​និយម​ ​ឬ​ជា​ស្ទា​យ៌​ថ្មី​ផ្ទាល់ខ្លួន​។​ ​ដូចនេះ​ដើម្បី​បានជា​គំនិត​ច្នៃ​ម៉ូដ​ ​ប្រិយ​មិត្ត​អាច​ក្រឡេក​មក​កម្រង​ម៉ូដ​នៃ​កម្មវិធី​បង្ហាញ​ម៉ូដ​ហ្វេ​ហ្សិ​ន​ច្នៃ​ឡើងវិញ​របស់​ R​e​-​mad​e​ ​in​ ​Cam​bo​d​i​a​ ​ដូច​ខាងក្រោម​៖​

​            1. T​h​e​ ​E​ro ​Ca​f​é
​            ស្ទើរតែ​មិនគួរ​ឲ្យ​ជឿ​ថា​គំនូរ​អាច​ធ្វើឲ្យ​ម៉ូដ​ស​ម្លៀ​ក​បំពាក់​សាមញ្ញ​ ​ក្លាយទៅជា​ម៉ូដ​ស​ម្លៀ​ក​បំពាក់​ហ្វេ​ហ្សិ​ន​ថ្មី​មួយទៀត​ប្រកបដោយ​ប្រណីតភាព​។​ ​ការ​ច្នៃ​ឡើងវិញ​បែប​នេះ​ ​វា​នឹង​ស្រស់​ស្អាត​ ​និង​មាន​អត្ថន័យ​ទៅតាម​រូបគំនូរ​ ​បើ​គូររូប​ផ្កា​វា​នឹង​មើលទៅ​ទន់ភ្លន់​ស្រស់បំព្រង​ ​បើ​គូរទេសភាព​វា​នឹង​មើល​រ៉ូ​មែន​ទិច​ ​បើ​គូរ​តួអង្គ​របាំ​វា​នឹង​លើកឲ្យ​មាន​ភាព​ប្រណីត​លំដាប់​ខ្ពស់​ ​ហើយក៏​បង្ហាញ​ពី​ការ​អភិរក្សនិយម​ផង​ដែរ​។​ ​ចុះ​សម្រាប់​អ្នក​ ​តើ​ចង់​គូរ​គំនូរ​បែប​ណា​នៅ​លើ​ឈុត​របស់​ខ្លួន​?

            2. Smoker​ ​by​ ​M​uo​y​ C​h​or​m​
​            ៣​ឈុត​ ​មួយ​ខ្លី​ ​ពី​រវែង​ ​របស់​ម៉ាក​យីហោ​ដែល​និយម​ច្នៃ​ម៉ូដ​ដកស្រង់​ពី​ធម្មជាតិ​ ​បាន​ក្លាយ​ជា​ម៉ូដ​ហ្វេ​ហ្សិ​ន​យ៉ាង​លេចធ្លោ​។​ ​តាម​ការ​ឲ្យដឹង​ពី​អ្នក​ច្នៃ​ម៉ូដ​ផ្ទាល់​ ​វា​ជា​ខូឡិ​ក​ហ្សិ​ន​ឈ្មោះថា​ ​«​Smoker​»​ ​ដែល​ដកស្រង់​ពី​ផ្សែង​ ​មិនថា​ផ្សែង​បារី​ ​ផ្សែង​ឆេះ​ព្រៃ​ ​ឬ​ផ្សែង​មកពី​ទីកន្លែង​ណា​នោះ​ទេ​។​ ​ដូច្នេះ​ហើយ​ទើប​នៅ​លើស​ក់ម៉ូឌែ​ល​មាន​តុបតែង​មែកឈើ​ ​និង​បំណែក​មាស​ ​ចំណែក​ឯ​ក្រណាត់​រលាស់​តំណាង​ឲ្យ​ខ្យល់​ ​បើ​រលាស់​បោកបក់​ប៉ុនណា​ ​វា​នឹង​ដុត​ក​ម្ទេ​ច​ខ្លាំង​ប៉ុណ្ណឹង​។​ ​ឈុត​នេះ​បើ​បាន​គ្រង​នឹង​ស្រស់​ស្អាត​បីដូច​ជា​រាជិនី​សម្រស់​ ​ក៏​ព្រោះតែ​នៅ​លើ​ឈុត​បាន​ចាប់​ក្រណាត់​ជា​កញ្ចុំ​តាក់តែង​រីក​សាយ​លើ​ដងខ្លួន​ ​រួម​នឹង​ម៉ូដ​អូស​ដី​រលាស់​ផើយ​ផាត់​បង្កើត​ជា​ភាព​ទាក់ទាញ​រាល់​វិនាទី​បោះជំហាន​។​

            3. R​e​fashion​ ​Collection​ ​by​ ​P​P​I​I​A​
​            ឈុត​ទាំងនេះ​ត្រូវ​បាន​ប្រើ​វត្ថុធាតុដើម​ពី​ស​ម្លៀ​ក​បំពាក់​ខូច​ជាច្រើន​ដែល​ពុំ​មាន​អ្នក​ស្លៀកពាក់​បន្ត​ទៀត​ ​ហេតុដូច្នេះ​បំណែក​នៃ​ស​ម្លៀ​ក​បំពាក់​ចាស់ៗ​ ​ឬ​សាច់ក្រណាត់​សេសសល់​ ​ឬ​ខូច​ទាំងអស់​នោះ​បាន​បង្កើត​ជា​ឈុត​៣​បែប​ផ្សេងគ្នា​៖​ ​មួយ​ជា​ឈុត​ខោ​ជើង​ធំ​ស្លៀកពាក់​ប្រចាំថ្ងៃ​ ​មួយ​ជា​រ៉ូប​ខ្លី​សម្រាប់​កម្មវិធី​ ​និង​មួយទៀត​ហ្វេ​ហ្សិ​ន​បង្ហាញ​ពី​ភាព​យុវវ័យ​លាយឡំ​នារី​ភាព​។​

            4. Sus​t​a​inability​’s ​Garment​s ​by​ ​ME​D​C
​            ទាំង​ពណ៌​ ​និង​ទម្រង់​នៃ​ហ្វេ​ហ្សិ​ន​ដើរ​ព្រៃ​ ​ត្រូវ​បាន​ច្នៃ​មក​ជា​ការ​ស្លៀកពាក់​ទំនើប​បែប​ទីក្រុង​ប្រកបដោយ​ភាព​ហំ​ហាន​។​ ឈុត​ទាំងនេះ​ភាគច្រើន​មិន​លេង​ជាមួយ​គ្រឿង​លម្អ​តូច​ៗ​ ​ឬ​ស្អេកស្កះ​ឡើយ​ ​ប្រើ​តែ​កាបូប​ធំ​ ​និង​ម៉ូដ​ច្បាស់​ៗ​នឹង​ប្រសព្វគ្នា​បំផុត​។​

            5. Red​o ​Collection​ ​by​ ​Daughter​s o​f​ ​Cam​bo​d​i​a​
​            ភាព​ឆ្លាតវៃ​នៃ​ការ​ច្នៃ​ម៉ូដ​ពិតជា​មិន​ស​សើ​រ​មិនបាន​ ​ដោយ​ឈុត​ទាំង​៣​នេះ​ប្រើការ​ច្នៃ​បន្ថែម​ឡើងវិញ​តែ​បន្តិចបន្តួច​ក៏​បង្កើត​ជា​ឈុត​ថ្មី​ស្លៀកពាក់​យ៉ាង​ឡូយ​ឆាយ​។​ ​យើង​ចាប់អារម្មណ៍​ទៅលើ​ផ្នែក​ខាងក្រោម​ ​ដោយ​ខោ​ខូ​វ​ប៊​យ​មួយ​ត្រូវ​បាន​ប្រើ​ក្រណាត់​ផ្សេង​មក​ប៉ះ​ជា​បំណះ​ឆ្លាស់ពណ៌​គ្នា​ ​ខោ​ខូ​វ​ប៊​យ​មួយទៀត​ប្រើ​ក្រណាត់​ផ្សេង​ដេរ​ភ្ជាប់​ចេញ​ជា​ម៉ូដ​ជើង​ធំ​ថ្មី​ ​ឯ​សំពត់​ពណ៌ខៀវ​ក៏បាន​ប្រើ​ក្រណាត់​ឆ្លាស់ពណ៌​មក​ដេរ​ភ្ជាប់​បង្កើត​ជា​ស្ទា​យ៌​ថ្មី​ផង​ដែរ​។​

            6. ​Do​m​l​e​i​
​            លើស​ពី​ភាព​សាមញ្ញ​ ​ឈុត​ទាំងនេះ​បង្ហាញ​ពី​ការ​ធ្វើ​បដិវត្ត​ហ្វេ​ហ្សិ​ន​តាមរយៈ​ការ​ប្រើ​ណាត់​បោះពុម្ព​ក្រឡា​រង្វើល​ ​តែ​សម្គាល់​ច្បាស់លាស់​ ​ដែល​សំខាន់​ជា​ឈុត​មាន​ផាសុកភាព​ប្រើ​ជា​ស្ទា​យ៌​ស្លៀកពាក់​បាន​ទាំង​បុរស​ ​និង​នារី​។​

            7. ​Chic​ ​D​e​n​i​m​ ​by​ ​Raffle​s ​International​ ​College​ ​P​h​no​m​ ​P​e​n​h​ 
​            ក្រឡេក​មក​ការ​បញ្ចេញ​ម៉ូដ​របស់​និស្សិត​សាលា​ ​Raffle​s ​វិញ​ ​ការរចនា​ម៉ូដ​ត្រូវ​បាន​ផ្តោត​បញ្ចូល​ក្រណាត់​ខូ​វ​ប៊​យ​ទៅតាម​គំនិត​ដកស្រង់​ផ្សេងៗ​បង្កើត​ជា​ហ្វេ​ហ្សិ​ន​ទាន់សម័យ​ ​ជាពិសេស​ត្រូវចិត្ត​សម្រាប់​យុវវ័យ​។​ ​ក្រណាត់​ប្រើ​ឡើងវិញ​ ​ត្រូវ​បាន​យក​ពី​ស​ម្លៀ​ក​បំពាក់​ចាស់ៗ​ ​មាន​សភាព​ពុក​ផុយ​ ​បន្ថែម​ដោយ​ការប្រើប្រាស់​ហូល​ខ្មែរ​ ​អម​ដោយ​គ្រឿង​លម្អ​តុបតែង​កាយ​សុទ្ធ​សឹង​ច្នៃ​ឡើងវិញ​។​ ​ចំណោម​ម៉ូដ​ក្នុង​នោះ​ ​មានការ​បញ្ចូល​ស្ទា​យ៌​ទំនើប​លាយ​ Bo​h​o ​Chic​ ​ស្ទា​យ៌​ទាន់សម័យ​តែ​អេ​ឡេ​ហ្គិ​ន​ ​ស្ទា​យ៌​ដកស្រង់​ពី​ទសវត្សរ៍​ទី​៨​០​ ​និង​ស្ទា​យ៌​បង្ហាញ​ពី​នារី​ភាព​លាយឡំ​ធុរកិច្ច​ ​ជាដើម​។​

​            8. ​Blue​ J​e​an​i​us​ ​by​ ​A​.N.​D​
​            ឈុត​ទាំងនេះ​ហាក់​ច្នៃ​ពី​សាច់ក្រណាត់​សេសសល់​ជាច្រើន​ដេរ​បញ្ចូល​គ្នា​ ​បង្កើត​ជា​ម៉ូដ​ច្រើន​បែប​មាន​លក្ខណៈ​ហ្វេ​ហ្សិ​ន​ ​និង​មើលទៅ​យុវវ័យ​។​ ​ឃើញ​ថា​អ្វី​ដែល​អាច​ច្បិច​សម្រាប់​ការ​លេងខ្លួន​នោះ​គឺ​ការ​ប្រើ​ស្ទា​យ៌​បែប​រលុង​ៗ​ ​ម៉ូដ​ច្រៀក​សរសៃ​ៗ​រណែង​រណោង​ ​ពិសេស​ឈុត​ភាគច្រើន​បាន​មក​ជាមួយ​អាវ​គ្រប​មាន​ទាំង​ខ្លី​ ​វែង​ ​និង​រហូតដល់​ត្រឹម​ចុងជើង​ផង​ដែរ​។​ ខូឡិ​ក​ហ្សិ​ន​នេះ​សម​ទាំង​បុរស​និង​ស្ត្រី​ ​ហើយ​វាក​៏​អាច​ប្រើ​ជា​ស្ទា​យ៌​សម្រាប់​ការ​លេងខ្លួន​ចូលរួម​នៅ​ក្នុង​កម្មវិធី​ជប់លៀង​ ​កម្មវិធី​បង្ហាញ​ម៉ូដ​ហ្វេ​ហ្សិ​ន​ ​ថតរូប​ហ្វេ​ហ្សិ​ន​ ​ហើយ​បើ​ស្លៀកពាក់​សម្រាប់​ដំណើរ​ក​ម្សាន្ត​ទៀត​នោះ​ធានា​ថា​ឡូយ​ឆាយ​តែម្តង​។​

​Article​ ​by​ ​PAN​ S​I​V​L​Y​


SUGGESTIONS