×

K​h​mum​ ​Technology​ ​ពាណិជ្ជកម្ម​អេ​ឡិច​ត្រូនិ​ក​ជំនាន់​ថ្មី​បង្កើត​ដោយ​ស្នាដៃ​ស្ថាបនិក​ជា​ស្រ្តី​ខ្មែរ​

NEWS a month ago
 
 

            តើ​លោកអ្នក​ធុញទ្រាន់​ក្នុង​ការ​ខ្ជះខ្ជាយពេលវេលា​ស្វែងរក​ផលិតផល​នីមួយៗ​តាម​ផេ​ក​ផ្សេងៗ​គ្នា​នៅ​ពេល​ចង់​ជាវ​ផលិតផល​ច្រើនមុខ​ក្នុងពេលជាមួយគ្នា​មែនទេ​? ​មិនសូវ​មានទំនុក​ចិត្ត​ចំពោះ​ទី​ផ្សារ​អន​ឡា​ញ​ដែល​គ្មាន​ប្រភព​ច្បាស់លាស់​មែនទេ​? ​ហើយ​ប្រសិនបើ​លោកអ្នក​កំពុង​លក់​ផលិតផល​អន​ឡា​ញ​វិញ​ ​ជួប​បញ្ហា​ពិបាក​គ្រប់គ្រង​ស្តុក​ ​និង​ ​វិភាគ​របាយការណ៍​លក់​ប្រចាំថ្ងៃ​ណាស់​ត្រូវ​ទេ​? ​មិន​ពូកែ​ធ្វើ​ម៉ា​ឃីធីង​ឌី​ជី​ថល​ ​ដូចជា​ ​ថតរូប​ផលិតផល​ឲ្យបាន​ស្អាត​ប្រកបដោយ​គុណភាព​បង្ហោះ​ដើម្បី​ទាក់ទាញ​អតិថិជន​គោលដៅ​? ​ពេលនេះ​ K​h​mum​ ​e​Shop​ ​បាន​ចូលខ្លួន​មក​ជា​ដំណោះស្រាយ​បញ្ហា​ទាំងអស់​នេះ​សម្រាប់​លោកអ្នក​ហើយ​! តោះ! ​មក​ឈ្វេងយល់​ត្រួសៗ​អំពី​បេសកកម្ម​ ​និង​ចក្ខុ​វិ​ស័យ​របស់​ក្រុមហ៊ុន​ ​A​p​p​ ​ឃ្មុំ​ ​ទាំងអស់គ្នា​!

            ​ឃ្មុំ​ ថេ​ក​ណ​ឡ​ជី​ ​ឯ​.​ក​ (K​h​mum​ ​Technology​ ​co​., ​l​t​d​.) ​គឺជា​ក្រុមហ៊ុន​សូ​ហ្វវែ​រ​ (​Soft​ware​) ​ដែល​មាន​ឯកទេស​ខាង​ពាណិជ្ជកម្ម​អេ​ឡិច​ត្រូនិ​ច​ ​និង​ដំណោះស្រាយ​ប្រព័ន្ធ​គ្រប់គ្រង​ហាង​ (​P​OS) ​បង្កើត​ឡើង​ដោយ​លោកស្រី​ ​ជា​ ​រដ្ឋា​ (​បច្ចុប្បន្ន​មាន​តួនាទី​ជា​អនុរដ្ឋលេខាធិការ​នៃ​ក្រសួង​ឧស្សាហកម្ម​ ​វិទ្យា​សា​ស្រ្ត ​បច្ចេកវិទ្យា​ ​និង​ន​វា​នុ​វត្ត​ន៍) ​កាលពី​ចុង​ឆ្នាំ​​២​០​១​៨​។​ ​ឃ្មុំ​ ​អី​សប​ (K​h​mum​ ​e​Shop​) ​គឺជា​ក្រុមហ៊ុន​ទី​ផ្សារ​អន​ឡា​ញ​ដែល​បង្កើត​ក្នុង​គោលបំណង​លើកស្ទួយ​ផលិត​ផល​ក្នុងស្រុក​ដែល​មានគុណ​ភាព​ប៉ុន្តែ​មិនទាន់​មាន​អ្នក​ស្គាល់​ច្រើន​ឲ្យ​មានឱកាស​បង្ហាញខ្លួន​លើ​ទី​ផ្សារ​ទំា​ង​នៅ​ក្នុង​តំបន់​ ​និង​នៅ​លើឆាកអន្តរជាតិ​ដើម្បី​ស្វែងរក​ការ​គាំទ្រ​ ​និង​ផ្ដល់​ការ​រីក​ចម្រើន​ដល់​ផលិតផល​ក្នុងស្រុក​កាន់តែ​ខ្លំា​ង​ឡើង​ ​ដែល​ចក្ខុវិស័យ​គឺ​ដើម្បី​នាំ​យក​ទំនិញ​ដែល​ជា​ស្នាដៃ​កូនខ្មែរ​ទៅកាន់​ទី​ផ្សារ​ពិភពលោក​។​

ស្ថាបនិក Khmum Technology លោកជំទាវ ជា រដ្ឋា 

            ឃ្មុំ​ ​មិន​ត្រឹមតែ​ជាទី​ផ្សារ​លក់ទំនិញ​តាម​អ៊ី​ន​ធឺ​ណិ​ត​ដ៏​ធំ​មួយ​ប៉ុណ្ណោះ​ទេ​ ​តែ​ជា​ក្រុមហ៊ុន​សូ​ហ្វវែ​រ​អេ​ឡិច​ត្រូនិ​ក​ឯកទេស​ផង​ដែរ​។​ ​ក្រុម​របស់យើង​ធ្វើឡើង​ពី​និស្សិត​ខ្មែរ​ ​ដែល​បាន​បញ្ចប់​ការសិក្សា​នៅ​ក្រៅ​ប្រទេស​និង​សាកលវិទ្យាល័យ​កំពូល​ៗ​ក្នុងស្រុក​ ​ដែល​អាចឲ្យ​ក្រុមហ៊ុន​មានលទ្ធភាព​បង្កើត​នូវ​កម្មវិធី​សូ​ហ្វវែ​រ​អេ​ឡិច​ត្រូនិ​ក​ផ្សេងៗ​ ​និង​ឃ្មុំ​ ​អី​សប​ ​App​។​ ​ជាមួយ​ K​h​mum​ ​Sales​ ​Dashboard​ ​អ្នក​លក់​ងាយស្រួល​គ្រប់គ្រង​ស្តុក​ ​គ្រប់គ្រង​បុគ្គលិក​ ​និង​វិភាគ​របាយការណ៍​លក់​។​ ​ប្រព័ន្ធ​ទូរ​ទាត់​ប្រាក់​ដែល​មាន​សុវត្ថិភាព​របស់​ ​ឃ្មុំ​ ​អី​សប​ K​H​QR ​Payment​ ​Gate​way​ ​ការពារ​ទាំង​អ្នក​លក់​និង​អ្នកទិញ​ ​ហើយ​បង្កើត​ភាព​ងាយស្រួល​ក្នុង​ការ​ទិញ​លក់​ផ្សេងៗ​។​ ​លើស​ពី​នេះ​ ​ប្រព័ន្ធ​ ​P​OS ​កូនកាត់​របស់​ឃ្មុំ​ (​Hybrid​ ​P​OS ​System​) ​ឲ្យ​អ្នក​លក់​ស្កេន​លេខ​កូ​ដ​ផលិតផល​និង​ព្រី​ន​វិ​ក័​យ​ប័ត្រ​ជាមួយ​ QR ​ផែនទី​ដើម្បី​ចាប់​យក​អាសយដ្ឋាន​ដឹកជញ្ជូន​របស់​អតិថិជន​យ៉ាង​ងាយស្រួល​និង​ឆាប់រហ័ស​ដោយ​មិន​ចាំបាច់​បញ្ចូល​អាសយដ្ឋាន​អតិថិជន​ម្តង​មួយៗ​។​ ​ម៉ាស៊ីនស្កេន​បារ​កូ​ដ​ឃ្មុំ​ ​ជួយ​អាជីវករ​​ចាប់​យក​លេខ​កូ​ដ​ផលិតផល​ជាស​កល​ដើម្បី​ងាយស្រួល​បញ្ចូល​ផលិតផល​របស់​ពួកគេ​ទៅ​ក្នុង​កម្មវិធី​ឃ្មុំ​ ​ដោយ​មិន​ចាំបាច់​ធ្វើការ​បញ្ចូល​ដោយដៃ​ផ្ទាល់​ម្ដង​ហើយ​ម្ដងទៀត​។​ ​តាមរយៈ​ការប្រើប្រាស់​ប្រព័ន្ធ​ K​h​mum​ ​all​-​in​-​one​ ​អាជីវករ​ទាំងឡាយ​ទទួល​បាន​នូវ​លទ្ធភាព​ទទួល​បាន​ហិរញ្ញវត្ថុ​ក្នុង​អត្រា​ការប្រាក់​ទាប​ដោយ​មិន​មាន​វត្ថុ​បញ្ចាំ​តាមរយៈ​គ្រឹះស្ថាន​មីក្រូ​ហិរញ្ញវត្ថុ​ អេ អឹ​ម​ ខេ (​AM​K) ​ធនាគារ​ អេ​ស៊ី​លីដា​ (​A​C​L​E​D​A​) ​និង​ ​ធនាគារ​ S​ME​ ​ដោយសារ​ទិន្នន័យ​ដែល​ចេញពី​ឃ្មុំ​អាច​ជំនួស​តម្រូវ​ការ​វត្ថុ​បញ្ចាំ​បាន​។​

            លោក​ ​សួង​ ​ដា​រី​ ​បុគ្គលិក​ផ្នែក​អភិវឌ្ឍន៍​អាជីវកម្ម​ K​h​mum​ ​Technology​ ​បាន​បញ្ជាក់​បន្ថែម​ថា​ ​ឃ្មុំ​ ​អី​សប​ ​ក៏មាន​ផ្តល់​ជូន​នូវ​ដំណោះស្រាយ​កញ្ចប់​ទី​ផ្សារ​ឌី​ជី​ថល​រួម​មាន​ ​ការ​ថតរូប​ផលិតផល​ ​បង្កើត​ស្នាដៃ​សិល្បៈ ​និង​វីដេអូ​សំរាយ​ពី​ផលិតផល​នានា​ក្នុង​តម្លៃ​សមរម្យ​បំផុត​ ​ដែល​ជំរុញ​ទឹកចិត្ត​អាជីវករ​ឲ្យ​ចូលរួម​ប្រើប្រាស់​កម្មវិធី​នេះ​។​ ​អ្នក​លក់​នឹង​ទទួល​បានការ​បណ្តុះបណ្តាល​ឌី​ជី​ថល​ពី​ឃ្មុំ​ ​ក៏ដូចជា​ទទួល​បាន​នូវ​ការ​បង្កើត​ឥណទាន​ហិរញ្ញវត្ថុ​របស់​ពួកគេ​នៅ​លើ​កម្មវិធី​នេះ​ផង​ដែរ​។​ ​សម្រាប់​ព័ត៌មាន​បន្ថែម​ ​សូម​ចូល​ទៅកាន់​ ​Face​book​ ​Page​: K​h​mum​ - ​ឃ្មុំ​ ​តាមរយៈ​តំណ​ភ្ជាប់​នេះ​៕​

Article by SRIN SOKMEAN

Image Courtesy: K​h​mum


SUGGESTIONS