បច្ចុប្បន្ន​ ​Baby​ ​Hair​ ​ឬ​ម៉ូដ​ជើងសក់​ទឹករលក​បាន​កំពុង​ទទួល​បានការ​ពេញ​និយម​ខ្លាំង​ពីសំណាក់​យុវវ័យ​ ​ដោយហេតុ​វា​មើលទៅ​ទាន់សម័យ​ ​និង​ធ្វើឲ្យ​មុខ​កាន់តែ​មាន​មន្ត​ស្នេហ៍​។​ ​មែនទែន​ទៅ​ម៉ូដ​សក់​នេះ​មិនមែន​ទើប​តែ​និយម​នា​ពេល​បច្ចុប្បន្ន​នោះ​ទេ​ ​ពោល​វា​កើតឡើង​តាំងពី​ឆ្នាំ​ ​១​៩​២​០​ ​ដែល​មាន​ដើមកំណើត​មកពី​ជនជាតិ​ស្បែក​ខ្មៅ​តាមរយៈ​តារា​ចម្រៀង​ស្រី​សញ្ជាតិ​អាមេរិក​ម្នាក់​ឈ្មោះ​ ​Baby​ ​E​s​t​e​r ​ឬ​មានឈ្មោះ​ដើម​ ​E​s​t​her​ ​Lee​ ​Jones​។​ ​ជាក់ស្តែង​ ​តួអង្គ​តុក្កតា​ដ៏​ល្បីល្បាញ​ ​Bet​t​y​ ​Boo​p​ ​ត្រូវ​បាន​និម្មិត​ឡើង​ដោយ​យក​ស្ទា​យ៌​ម៉ូដ​សក់​ ​និង​រូបរាង​តាម​តារា​រូប​នេះ​ ​ហើយ​ក្រោយមក​តារា​ចម្រៀង​បារាំង​កើត​នៅ​អាមេរិក​ Jos​e​p​h​in​e​ ​Baker​ ​បាន​យក​ស្ទា​យ៌​ម៉ូដ​សក់​ទឹករលក​មក​បង្កើត​ជា​ស្ទា​យ៌​របស់​ខ្លួន​។​ ​មកដល់​ឆ្នាំ​ ​១​៩​៩​០​ ​តារា​ចម្រៀង​អាមេរិក​ដូចជា​ ​Jane​t​ ​Jack​son​ ​និង​ ​Brandy​ ​បាន​យក​ស្ទា​យ៌​ជើងសក់​ទឹករលក​របស់​ ​Baby​ ​E​s​t​e​r ​មកលេង​ជាមួយ​ម៉ូដ​សក់ក្រង​សរសៃ​ៗ​របស់​ខ្លួន​។​ ​បន្តបន្ទាប់មក​ដល់​សព្វថ្ងៃ​ម៉ូដ​សក់​ ​Baby​ ​ដែល​ជា​ឈ្មោះ​របស់​ ​Baby​ ​E​s​t​e​r ​ត្រូវ​បាន​តារា​អន្តរជាតិ​ជុំវិញ​ពិភពលោក​យក​មកលេង​ស្ទា​យ៌​សម្រាប់​តុបតែង​ចូលរួម​កម្មវិធី​ផ្សេងៗ​ ​មិនថា​កម្មវិធី​ក​ម្រា​ល​ព្រំ​ក្រហម​ ​ការ​ថត​ផ្សព្វផ្សាយ​ពាណិជ្ជកម្ម​ ​កម្មវិធី​បង្ហាញ​ម៉ូដ​ ​រហូតដល់​ថត​ឡើង​ក្រប​ទស្សនាវដ្តី​ជាដើម​។​ សិល្បៈ​នៃ​ការ​លេង​ម៉ូដ​ជើងសក់​នេះ​ ​ក៏​ត្រូវ​បាន​សិល្បករ​ផាត់​មុខ​ ​និង​ធ្វើសក់​ច្នៃ​ប្រតិដ្ឋ​ចេញ​ជា​ស្ទា​យ៌​ប្លែកៗ​បីដូច​ជា​សិល្បៈ​នៅ​លើ​រង្វង់​មុខ​ផង​ដែរ​។​

            ខណៈ​ម៉ូដ​សក់​នេះ​កំពុង​ត្រូវ​បាន​គេ​យក​មកលេង​ជា​ម៉ូដ​ច្រើន​បែប​ទៅតាម​គំនិត​ច្នៃ​ប្រតិដ្ឋ​ ​និង​ទំនោរ​និយម​ហ្វេ​ហ្សិ​ន​។​ ​សូម​លើកយក​ស្ទា​យ៌​សក់​ ​Baby​ ​Hair​ ​ច្នៃ​ប្រតិដ្ឋ​ជា​៥​បែប​មក​បង្ហាញ​ដើម្បី​ជា​គំនិត​សម្រាប់​មិត្ត​ៗ​នារី​លេងខ្លួន​ឲ្យ​កាន់តែ​ស៊ីវិល័យ​។​

Article by HEM SOKKHIM