×

៥​ ​ជម្រើស​សម្រាប់​កា​លេង​ស្ទា​យ៌​សាមញ្ញ​ថ្លៃថ្នូរ​ដ៏​ស័ក្តិសម​សម្រាប់​ថ្ងៃ​ពិសេស​ខាងមុខនេះ​

TRAVEL & LIVING a month ago
 
 

           ​ថ្ងៃ​ឆ្លង​ឆ្នាំ​សកល​នឹង​ឈាន​ចូល​មកដល់​ ​ជឿជាក់​ថា​ប្រិយ​មិត្ត​បាន​នឹង​កំពុង​រៀប​គម្រោង​កម្មវិធី​ជួបជុំ​នានា​នៅ​រាត្រី​ឆ្លង​ឆ្នាំ​មិនខាន​។​ ​ចុះ​សម្រាប់​សុភាព​នារី​វិញ​ ​តើ​នឹង​ត្រៀម​រៀបចំ​ខ្លួន​ស្ទា​យ៌​បែប​ណា​ដើម្បី​បង្ហាញខ្លួន​លេចធ្លោ​នៅ​ក្នុង​ឱកាស​នេះ​? ​បើ​នៅ​មិនទាន់​នឹកឃើញ​ ​អ្នក​អាច​ប្រមើល​មើល​ជាមួយ​រ៉ូប​ចំនួន​៥​បែប​ ​ដែល​សុទ្ធ​សឹង​ជា​ស្ទា​យ៌​ស័ក្តិសម​បំផុត​សម្រាប់​កម្មវិធី​នា​ពេល​រាត្រី​ ​ជា​ពិ​សេ​សកម្មវិធី​អបអរ​នៅ​រាត្រី​បាញ់កាំជ្រួច​ឆ្លង​ឆ្នាំនេះ​តែម្តង​។​

          1.​រ៉ូប​ឌិន​អង្កាំ​ត្បូង​ (S​e​qu​in​ ​dress​)​៖​ ​រ៉ូប​ឌិន​អង្កាំ​ត្បូង​រមែង​ទទួល​បាន​ការចាប់អារម្មណ៍​ជាមួយ​ភ្លើង​ពណ៌​ ​ជាពិសេស​ពេល​បាន​គ្រង​នៅ​ពេល​រាត្រី​កាន់តែ​ប្រដេញ​ពណ៌​ឆើតឆាយ​មើលទៅ​ចែង​ចាំង​ទាក់​ភ្នែក​។​ ​ដើម្បី​មើល​ទៅកាន់​តែ​លេចធ្លោ​ ​មិត្ត​នារី​អាច​បន្ថែម​បំពាក់​ក្រវិល​រំយោល​ ​ព្រមនឹង​ស្បែកជើង​ក្រវាត់​កែង​ចោទ​ផង​ដែរ​។​

          2.​រ៉ូប​រោម​រំភើយ​ (​Feather​ ​dress​)​៖​ ​សម្រាប់​សុភាព​នារី​ចង់​តុប​តែងខ្លួន​បែប​ស៊ីវិល័យ​លាយឡំ​ហ្វេ​ហ្សិ​ន​ ​អាច​ជ្រើសរើស​ប្រភេទ​រ៉ូប​នេះ​ដែល​ជា​ទំនោរ​និយម​កំពុង​ទទួល​បាន​ការចាប់អារម្មណ៍​។​ ​ស្លៀកពាក់​រ៉ូប​នេះ​ ​បើ​អាច​មិនបាច់​លេង​គ្រឿង​លម្អ​ស្អេកស្កះ​អ្វី​ច្រើន​ ​អាច​ត្រឹមតែ​ពាក់​ក្រវិល​ត្បូង​តូច​ៗ​មើលទៅ​ឥត​ខ្ចោះ​បំផុត​។​

          3.​រ៉ូប​ក្រណាត់​រលោង​ (​Satin​ ​dress​)​៖​ ​ចង់បាន​ភាព​សិចស៊ី​ ​តែ​មើលទៅ​មុតមាំ​ ​សុភាព​នារី​អាច​សាកល្បង​ជាមួយ​រ៉ូប​សាច់​រលោង​ ​ធានា​ថា​មាន​មន្ត​ស្នេហ៍​ ​និង​មាន​ភាព​ជឿជាក់​គ្រប់​វិនាទី​។​ ​កាន់តែ​ឆើតឆាយ​ ​សុភាព​នារី​អាច​បន្ថែម​ជាមួយ​គ្រឿង​លម្អ​ ​ដូចជា​ក្រវិល​កងធំ​ៗ​ ​និង​លាប​ក្រែម​ពណ៌​ដិត​ៗ​។​

          4.​រ៉ូប​សាច់​ភ្លឺផ្លេក​ (​Sparkle​s)​៖​ ​រ៉ូប​ភ្លឺផ្លេក​តែង​ទទួល​បាន​ចំណាប់អារម្មណ៍​ខ្លាំង​នៅ​ពេល​រាត្រី​ ​ជាពិសេស​ក្នុង​រាត្រី​ឆ្លង​ឆ្នាំ​ផ្តិត​យក​រូបភាព​ជាមួយ​ការ​បាញ់កាំជ្រួច​តែម្តង​។​ ​ក្លែម​ជាមួយ​ឈុត​នេះ​មិត្ត​នារី​អាច​លេង​ស្ទា​យ៌​នឹង​កាបូប​តូច​ៗ​ដែល​មាន​ត្បូង​ចាំង​ភ្លឺផ្លេក​ផង​ដែរ​។​

          5.​រ៉ូប​សាច់ក្រណាត់​កម្ញី​ (​Velvet​ ​dress​)​៖​ ​សាមញ្ញ​តែ​ទាន់សម័យ​ ​រ៉ូប​សាច់ក្រណាត់​កម្ញី​រមែងតែ​បង្កើន​ភាព​ទាក់ទាញ​ក្នុង​កម្មវិធី​ជួបជុំ​។​ ​សម្រាប់​អ្នក​ចង់​បង្ហាញ​ស្ទី​ល​បែប​សាមញ្ញ​និយម​តែ​មើលទៅ​លំដាប់​ខ្ពស់​ ​អាច​សាកល្បង​ជាមួយ​រ៉ូប​ប្រភេទ​នេះ​ ​សំខាន់​វា​មិន​រើស​ពណ៌​សម្បុរស្បែក​នោះ​ឡើយ​៕​

​Article​ ​by​ ​SO​UN​G​ ​SO​KS​AN​


 


SUGGESTIONS