កម្មវិធី​បង្ហាញ​ម៉ូដ​ ​P​P​D​W​ ​រដូវរងា​ឆ្នាំ២០២៤​ ​នឹងត្រៀម​ប្រ​ពឹ្រត្ដ​ឡើង​នា​ថ្ងៃ​ទី​៧​ ​ខែធ្នូ​ ​ឆ្នាំ២០២៤ ​ខាងមុខនេះ​ ​នៅ​ឯម​ជ្ឍ​មណ្ឌល​ ​Co​nn​ex​ion​ ​កោះ​ពេជ្រ​ ​ដោយ​នឹង​មាន​ការចូលរួម​បង្ហាញ​ប្រជុំ​ម៉ូដ​សរុប​ ​៦​ ​ម៉ាក​ពី​អ្នក​ច្នៃ​ម៉ូដ​ប្រចាំ​នៅ​ភ្នំពេញ​ដែល​ពោរពេញ​ដោយ​ទេពកោសល្យ​។​

          ក្រោម​ប្រធាន​បទ​មាន​ចំណងជើង​ថា​ “​FASHION​ ​l​N ​A​ C​HANGING​ ​WORLD​” (​ហ្វេ​ហ្សិ​ន​ក្នុង​ពិភពលោក​ប្រែប្រួល​) ​ឆ្លុះ​បង្ហាញ​ពី​ឥទ្ធិពល​លើ​វប្ប​ធ​ម៍​និង​សោភ័ណ​ភាព​នា​បច្ចុប្បន្នកាល​គឺ​ស្មុកស្មាញ​ជា​ខ្លាំង​ទៅ​តាមដំណើរ​ពេលវេលា​ ​និង​ធ្វើ​ឱ្យ​យើង​អាឡោះអាល័យ​ទៅ​អតីតកាល​។​ ​ការ​ប្រែប្រួល​និង​ផ្លាស់ប្តូរ​ដ​ដែរ​ៗ​ ​ត្រលប់​ទៅ​ត្រលប់​មក​ ​បាន​ចាក់គ្រឹះ​ក្នុង​បរិយាកាស​សង្គម​បច្ចុប្បន្ន​នៃ​ពិភពលោក​ក្រោយ​រង​ការ​រាតត្បាត​នៃ​ជម្ងឺ​កូ​វី​ដ​។​ ​យើង​សង្កេតឃើញ​ថា​គ្រប់គ្នា​ហាក់​ពី​ដូចជា​កំពុង​បង្កើត​ស្ទី​ល​មួយ​ដែល​មានកំណត់​ក្នុងរង្វង់​វដ្ដ​នៃ​ការ​ប្រែប្រួល​នោះ​។​

          សម្រាប់​ការ​បង្ហាញ​ឈុត​នារី​ដ៏​ទាក់ទាញ​ ​គឺ​ចាប់ផ្ដើម​ពី​ម៉ូដ​ឆើតឆាយ​នៃ​នារី​ភាព​របស់​ SC​T​; ​កា​រលាយ​ចម្រុះ​ស្ទី​ល​បែប​ Boho ​ពី​ ​A.N.D.; ​និង​ទំនោរ​បែប​តិច​និយម​លើ​ឈុត​នារី​របស់​ ​Don​ ​Protasio។​

          រីឯ​ការ​បង្ហាញ​ឈុត​បុរស​វិញ​ ​មាន​ប្រជុំ​ម៉ូដ​ស​ម្លៀ​ក​បំពាក់​ស្ទី​ល​បែប​អ្នក​ទីក្រុង​របស់​ ​Ambre​ ​Men​; ​ចំណែក​ ​Drewe ​Taylor ​នឹង​បង្ហាញ​ម៉ូត​ស​ម្លៀ​ក​បំពាក់​ដែល​មាន​ពណ៌​ស្រាល​ស្រទន់​ (Pastel​ ​Color); ​ហើយ​ចុងក្រោយ​ ​Christine​ ​Gauthier ​បាន​ត្រលប់​មកវិញ​ជាមួយនឹង​ហ្វេ​ហ្សិ​ន​បុរស​ពោរពេញ​ដោយ​ភាព​ច្នៃ​ប្រតិដ្ឋ​បំផុត​។​ ​វា​ពិតជា​ប្លែកភ្នែក​ ​និង​ទាក់ទាញអារម្មណ៍​អ្នកទស្សនា​ឱ្យ​នឹកស្មាន​មិនដល់​ជាមិនខាន​។​

          កម្មវិធី​បង្ហាញ​ម៉ូដ​ ​Phnom​ Penh​ ​Designers ​Week​ ​រៀបចំ​ឡើង​ដោយ​ ​Fashion​ ​Lab​ ​Magazine​ ​ហើយ​ចួ​ល​រួម​សហការ​ដោយ​ ​Connexion​, OC​I​C, ​Minerva​ ​T​V​, ​Samai​ ​and​ ​Luxee​ ​Academy​ & ​Beauty​ ​Center​ ​និង​ទស្សនាវដ្ដី​ ​SOVRIN​ ​Magazine៕​

​Article by LENG CHANREASEY