Sovrin
Sovrin
“ដំណើរជាលិកា” បង្ហាញពីរបៀបនៃការរចនាដ៏ប្លែកមួយឈ្មោះថា “ជាលិកាកម្ម”
NEWS 21 hours ago
នៅល្ងាចថ្ងៃទី ១៤ ខែសីហា ស្ថិតនៅសណ្ឋាគារ “រ៉ូសវ៉ូដ” បានរៀបចំកម្មវិធីការដាក់តាំងពិព័រណ៍គំនូរដោយសិល្បករគំនូរឌីជីថល រិទ្ធិ៍ បុណ្យរតនៈ ក្រោមប្រធានបទ “ដំណើរជាលិកា”។ ជាក់ស្តែង នៅក្នុងកម្មវិធីការដាក់តាំងពិព័រណ៍គំនូរនេះ រតនៈបានលើកយកកម្រងគំនូរចំនួន៣ដែលមានចំណងជើងដូចជា៖ ជាលិការណ្តំ ជាលិកានិមិត្ត និងជាលិកាសក្ការៈដែលនឹងដាក់តាំងបង្ហាញតាមរយៈការបែងចែកដំណើរទស្សនកិច្ច ៣ប្រភេទខុសៗគ្នា នៅក្នុងនោះមានដូចជា៖ ដំណើរនៃធម្មជាតិ ដំណើរនៃវប្បធម៌ និងដំណើរចុងក្រោយគឺដំណើរនៃជាតិ។
គួរបញ្ជាក់ផងដែរថា “ដំណើរជាលិកា” គឺជាការតាំងពិព័រណ៍ទោលទី២របស់សិល្បករ រតនៈ ដែលបង្ហាញពីរបៀបនៃការរចនាដ៏ប្លែកមួយដែលមានឈ្មោះថា “ជាលិកាកម្ម”។ រាល់ផ្ទាំងគំនូរទាំងអស់ សិល្បកររូបនេះបានធ្វើការបង្កប់បណ្តុំជាលិកាតូចៗដែលមានពណ៌ រូបរាង និងទំហំខុសៗគ្នា ហើយបូករួមជាមួយនឹងការបន្ថែមនូវបច្ចេកទេសបិតសន្លឹកការគូរដោយប្រើថ្នាំពណ៌ neon និងបច្ចេកទេសគំនូរចាក់បន្ថែមទៀតនោះបានធ្វើឲ្យគំនូរនីមួយៗបង្ហាញពីភាពអស្ចារ្យនៃការផ្សំបញ្ចូលគ្នា រវាងគំនូរឌីជីថល និងបច្ចេកទេសគូរដោយដៃផ្ទាល់ទៀតផង៕
