Sovrin
Sovrin
កាលពីថ្ងៃទី២៧ ខែមេសា ឆ្នាំ២០១៨ កន្លងទៅនេះ កម្មវិធីជំនាន់នៃភាពច្នៃប្រឌិតដែលជាការផ្ដួចផ្ដើមឡើងដោយអ្នកស្រី ដាណា លេងឡ័ស ស្ថាបនិក និងជានាយិកាផ្នែកសិល្បៈនៅJava Creative Café សាខាទួលគោក និង កញ្ញា ម៉ឹង មេត្តា ក្នុងគោលបំណងបង្ហាញចំពោះអ្នកដែលបានជាប់ជ័យលាភីនៃការដាក់ពាក្យជំនាន់នៃភាពច្នៃប្រឌិតឆ្នាំ២០១៨។ សម្រាប់ឆ្នាំទី២នេះគេបានធ្វើផ្តោតទៅលើការប្រកួតប្រជែងបង្ហាញនូវភាពច្នៃប្រឌិត ក្នុងនោះដែរមានការដាក់ពាក្យសម្រាប់ចូលរួម១៩នាក់រួមមានការថតរូប គំនូរ និងការរចនាម៉ូដសម្លៀកបំពាក់។ កញ្ញា ម៉ឹង មេត្តា បានថ្លែងថា “វាពិតជាពិបាកក្នុងការសម្រេចចិត្តជ្រើសរើសព្រោះបេក្ខជនទាំងអស់សុទ្ធតែមានទេពកោសល្យ។ ប៉ុន្តែទោះជាយ៉ាងណាក្នុងចំណោមអ្នកដាក់ពាក្យចូលរួមទាំង១៩នាក់ ក៏បានធ្វើការជម្រុះនៅសល់តែ៧នាក់តែប៉ុណ្ណោះ។ សិល្បៈករទាំង៧នាក់ត្រូវបានជ្រើសរើសសម្រាប់ជំនាន់នៃភាពច្នៃប្រឌិតឆ្នាំ២០១៨ ហើយនឹងត្រូវតាំងបង្ហាញការងារនៅ Java សាខាទួលគោក ពីខែមេសា ឆ្នាំ២០១៨ រហូតដល់ខែកុម្ភៈ ឆ្នាំ២០១៩។ ក្នុងអំឡុងពេលនៃការតាំងពិព័រណ៌នេះអ្នករៀបចំកម្មវិធីក៏បានអញ្ចើញក៏ដូចជាលើកទឹកចិត្តដល់សិល្បករឱ្យមានការអភិវឌ្ឍក្នុងការចែករំលែក តាមរយៈបទបង្ហាញការងារសិល្បៈរបស់ពួកគាត់ជាសាធារណៈមួយ។ ខាងក្រោមនេះគឺជាបញ្ជីឈ្មោះអ្នកដែលបានជាប់ទាំង៧នាក់៖
1. ចៅ សុទត្តបរមិន្ទ (គំនូរគូល័រទឹក)
2. ជី ភួយ (រូបថត)
3. កាន់ សេរីសុភ័ក្រ្ក(គំនូរ)
4. ខៀវ កាណែល (រូបថត)
5. ស៊ិន មែននី (ពុម្ព & mixed media)
6. សុសុថ សុវណ្ណគង់ (គំនូរតាមជញ្ជាំង)
7. ទុំ យ៉ូរីផល (ចម្លាក់ការតម្លើង)
Article By HENG CHANMAKARA
