×

​លំ​ហាត់ប្រាណ​៥​ប្រភេទ​ ​ពង្រឹង​សុខភាព​ទាំង​សួត​

TRAVEL & LIVING 3 years ago
 
 

           សួត​មាន​តួនាទី​យ៉ាងសំខាន់​ក្នុង​ការ​ផ្គត់ផ្គង់​អុក​ស៊ី​សែន​ទៅដល់​គ្រប់​ផ្នែក​នៃ​សារពាង្គ​របស់យើង​គ្រប់គ្នា​តាមផ្លូវ​ដង្ហើម​ ​ដើម្បី​រស់រាន​មានជីវិត​ ​និង​ការពារ​ជំងឺ​នានា​។​ ក្នុង​ស្ថានការណ៍​រាតត្បាត​នៃ​វី​រុ​ស​កូ​វី​ដ​-​១​៩​ ​ស្រប​ពេល​ដែល​គ្រប់គ្នា​គួរ​ថែទាំ​សុខភាព​ឲ្យបាន​រឹង​មាំ​ ​ហើយ​អនុវត្ត​វិធានការ​ណ៍ ​៣​កុំ​ ​៣​ការពារ​ ​ឲ្យបាន​ខ្ជាប់ខ្ជួន​ជានិច្ច​។​ ​ទន្ទឹម​នឹង​នេះ​ ​ការ​ធ្វើ​លំ​ហាត់ប្រាណ​ជាប្រចាំ​អាច​ពង្រឹង​ភាព​ស៊ាំ​រាងកាយ​យើង​គ្រប់គ្នា​ ​ពិសេស​ ​ជួយ​ធ្វើឲ្យ​សុខភាព​សួត​មាំមួន​ល្អ​ថែមទៀត​។​ ​ដោយហេតុ​វី​រុ​ស​កូ​វី​ដ​ ​ជា​ជំងឺឆ្លង​ដែល​ប៉ះពាល់​ដល់​សួត​ ​តាម​រយៈផ្លូវ​ដង្ហើម​ ​ដូច្នេះ​ថ្ងៃនេះ​យើង​នឹង​បង្ហាញ​ពី​លំ​ហាត់ប្រាណ​មួយ​ចំនួន​ដែល​មាន​អត្ថប្រយោជន៍​ដល់​សុខភាព​សួត​ជូន​ប្រិយ​មិត្ត​អ្នកអាន​។​

​១​. ​កីឡា​ ​អែ​រ៉ូ​ប៊ិច​ (​A​e​rob​i​cs)

           ​វា​ដើរតួ​សំខាន់​ក្នុង​ការ​ពង្រឹង​សមត្ថភាព​នៃ​សួត​ ​និង​បេះដូង​ដោយ​បាន​ពង្រឹង​សាច់ដុំ​ឲ្យ​ដំណើរការ​ក្នុង​សង្វាក់​ល្បឿន​ថេរ​មួយ​។​ ​ហេតុនេះ​ ​សួត​អាច​ផ្គត់ផ្គង់​អុក​ស៊ី​សែន​បាន​ថេរ​ល្អ​ ​ហើយ​ពង្រឹង​ភាព​រឹង​មាំ​ដល់​រាងកាយ​ទាំងមូល​។​



​២​. ​ការ​ដើរ​ញ៉ាប់ (​Long​ ​Brisk​ ​Walk​s)

           ​ចំណាយ​ពេល​ប្រមាណ​ ​៣​០​ ​នាទី​ ​ជា​ប្រចាំថ្ងៃ​ធ្វើ​លំ​ហាត់ប្រាណ​ដើរ​ញ៉ាប​ ​អាច​ជំនួយ​ឲ្យ​សួត​កាន់តែ​រឹង​មាំ​ជាង​មុន​។​ ​ដោយសារ​សួ​តនឹង​ប្រឹង​ដំណើរការ​ញ៉ាប​នឹង​ខ្លាំង​ជាង​ធម្មតា​ ​បន្ទាប់ពី​យើង​ហត់​ដង្ហក់​ពី​ការ​ដើរ​នោះ​ ​ដែល​ជា​លទ្ធផល​ក្នុង​ការ​ហ្វឹកហាត់​សាច់ដុំ​សួត​។​

​៣​. ​លំ​ហាត់ប្រាណ​បែប​ ​Card​i​o

           ​វា​ជា​លំ​ហាត់ប្រាណ​ដែល​ជំរុញ​ដំណើរ​សរសៃឈាម​បេះដូង​ ​ដែល​មាន​ដូចជា​ការរត់ប្រណាំង​ ​ការ​រត់​ទ្រើកៗ​ ​ការ​ហែលទឹក​ ​និង​ការហាត់​សាច់ដុំ​បែប​ទម្ងន់​ធ្ងន់​(​Heavy​ ​Machine​ ​Work​out​)​។​ល​។​ ​ដោយមាន​ការ​កំដៅ​សាច់ដុំ​មុននឹង​ធ្វើ​លំ​ហាត់ប្រាណ​ ​និង​ការ​សម្រាក​សាច់ដុំ​ក្រោយ​ធ្វើ​លំ​ហាត់ប្រាណ​ឲ្យបាន​ត្រឹមត្រូវ​។​



​៤​. ​ការ​ហាត់ប្រាណ​ក្នុង​ទឹក​

           ​វា​នឹង​បង្ក​ឲ្យ​មាន​សម្ពាធ​ជាង​ធម្មតា​ដល់​សាច់ដុំ​សួត​ ​កាលដែល​ធ្វើ​លំ​ហាត់ប្រាណ​ក្នុង​ទឹក​។​ ​ត្រូវ​ប្រាកដ​ថា​ ​អាង​ទឹក​ដែល​ហាត់ប្រាណ​នោះ​ ​ត្រូវ​មាន​ក​ម្ពស់​ទឹក​ ​ខ្ពស់​បំផុត​ត្រឹម​-​ក​ ​ពេល​ធ្វើកាយវិការ​លំ​ហាត់ប្រាណ​នោះ​ ​ដើម្បី​ចៀសវាង​គ្រោះថ្នាក់​ដោយចៃដន្យ​។​



​៥​. ​លំ​ហាត់ប្រាណ​ផ្លូវ​ដង្ហើម​

           ​ក្បាច់​ទីមួយ​៖​ ​ការដកដង្ហើម​តាម​ពោះ​ ​ដោយ​ដេក​រៀប​ស្មើ​ ​រួច​ស្រូប​ដង្ហើម​មួយៗ​ ​វែង​ៗ​ ​តាម​ច្រមុះ​ ​រួច​ប្រឹង​ទប់​សាច់ដុំ​ពោះ​មួយភ្លែត​ ​សឹម​ផ្លុំ​ខ្យល់​ចេញ​តាម​មាត់​។​ ​ក្បាច់​ទីពីរ​៖​ ​ដកដង្ហើម​រាប់​លេខ​ ​ដោយ​បិទភ្នែក​ហើយ​ដកដង្ហើម​តាម​ច្រមុះ​វែង​ៗ​ ​ចាប់​រាប់​ ​១​ ​ពេល​ស្រូប​ដង្ហើមចូល​ ​ហើយ​ទប់​ ​៣​ ​វិនាទី​សិន​ ​សឹម​ដក​ដង្ហើមចេញ​តាម​ច្រមុះ​ (​ត្រូវ​ដកដង្ហើម​ឲ្យអស់​ពី​សួត​ ​មុននឹង​ស្រូប​ដង្ហើមចូល​ពេល​រាប់​លេខ​បន្ទាប់​) ​ធ្វើ​បែប​នេះ​រហូត​រាប់​គ្រប់​ ​៨​ ​ដង​៕​

​Article​ ​by​ ​L​E​N​G​ C​H​AN​R​EASE​Y​


 


SUGGESTIONS