×

I​K​AT​ ​Ca​f​e​ ​ហាង​កាហ្វេ​និង​កូន​រី​សត​សម្រាក​លម្ហែ​ដ៏​ស៊ីវិល័យ​ដាច់គេ​ប្រចាំ​តំបន់​អរិយ​ក្សត្រ​

TRAVEL & LIVING a month ago
 
 

​​          ​តំបន់​អរិយ​ក្សត្រ​ដែល​ស្ថិតនៅ​ត្រើយម្ខាង​ទល់មុខ​កោះ​ពេជ្រ​ ​រាជធានី​ភ្នំពេញ​ ​ត្រូវ​បាន​មហាជន​ទូទៅ​ស្គាល់​ច្បាស់​ថា​ជា​ ​តំបន់​មាន​ហាង​ឆេង​កំពុង​អភិវឌ្ឍ​ជឿនលឿន​ទាំង​ផ្នែក​សេដ្ឋកិច្ច​ ​អចល​ន​ទ្រព្យ​ ​និង​ ​ទី​ផ្សារ​ទេសចរណ៍​ ​ព្រោះ​ទីតាំង​មួយ​នេះ​មាន​សក្តានុពល​ទាក់ទាញ​ជាច្រើន​ក្នុង​ក្រសែភ្នែក​អ្នក​វិនិយោគ​។​ ​មួយ​ក្នុងចំណោម​ហេ​ដ្ឋា​រចនា​ ​ស​ម្ព័ន្ធ​ដែល​ត្រូវ​បាន​វិនិយោគ​ក្នុង​តំបន់​នោះ​ ​គឺ​ហាង​កាហ្វេ​ទំនើប​បែប​ ​outdoor​ ​និង​ ​រី​សត​ក​ម្សាន្ត​លក្ខណៈ​ផ្ទះ​លម្ហែ​ក្នុង​ដី​ចម្ការ​ជាយក្រុង​ដ៏​ប្រណិត​តូច​ច្រឡឹង​មួយ​កន្លែង​ឈ្មោះថា​ ​អ៊ី​ខាត់​ ​កាហ្វេ​ (​I​K​AT​ ​Ca​f​e​) ​ស្ថិតនៅ​ទល់មុខ​វត្ត​ពេជ្រ​ម្កុ​ដ​ ​ភូមិ​ទួល​មាស​ ​ឃុំ​អរិយ​ក្សត្រ​ ​ស្រុក​ល្វា​ឯម​ ​ខេត្ត​កណ្តាល​។​

​​          ​វា​ជា​ការ​ងាយស្រួល​បំផុត​ក្នុង​ការស្វែងរក​ទី​តាំងហាង​នេះ​។​ ​ដើម្បី​ទៅដល់​ ​អ្នកដំណើរ​ទាំងឡាយ​គ្រាន់តែ​ចំណាយ​ពេល​ឆ្លង​ដ​ភ្នំពេញ​-អរិយ​ក្សត្រ​ ​ដែល​ស្ថិតនៅ​កៀក​ស្ពាន​នាគ​ ​ខាង​កោះ​ពេជ្រ​ ​ហើយ​បន្ត​ដំណើរ​ឡើង​ពី​កំពង់​ចម្លង​ត្រើយម្ខាង​នោះ​ទៅត្រង់​រហូតដល់​ផ្លូវ​កោង​ស្តាំ​ប្រមាណ​ ១​​គីឡូម៉ែត្រ​ ​នោះ​លោកអ្នក​នឹង​ឃើញ​របង​វត្ត​ពេជ្រ​ ម្កុ​ដ​ហើយ​។​ ​អ៊ី​ខាត់​ ​កាហ្វេ​ ​ស្ថិតនៅ​ទល់មុខ​វត្ត​នោះ​ ​នៅ​ខាងស្តាំ​ដៃ​ជាប់មាត់​ផ្លូវ​តែម្តង​ដែល​មាន​ស្លាកយីហោ​ដាក់​តាំង​បញ្ឈរ​ងាយស្រួល​ចំណាំ​សម្រាប់​អ្នកដំណើរ​ឆ្លងកាត់​។​ ​ជា​ការពិត​ណាស់​ ​I​K​AT​ ​ប្រៀប​ដូចជា​បុប្ផា​លាក់ខ្លួន​ឆើតឆាយ​ជាងគេ​ប្រចាំ​ភូមិ​ទួល​មាស​ ​ដែល​ភ្ញៀវ​ទេសចរ​គប្បី​ឆៀងចូល​សាកល្បង​ស្រស់ស្រូប​អាហារ​និង​សម្រាក​ក​ម្សាន្ត​ឲ្យបាន​ម្តង​ប្រសិនបើ​បាន​មកដល់​ប្លុក​នេះ​ ​ដោយសារ​ទីនេះ​មាន​ចំណុច​ពិសេស​ជាច្រើន​។​

​​          ក្រៅពី​ជា​ហាង​កាហ្វេ​បែប​ ​outdoor​ (​មាន​ទីធ្លា​ខាងក្រៅ​) ​ស្រឡះ​ល្អ​ ​អម​ដោយ​សួន​ផ្កា​និង​ដំណាំ​ខៀវស្រងាត់​I​K​AT​ ​Ca​f​e​ ​ទទួល​បានការ​ពេញ​និយម​ពីសំណាក់​អ្នក​រស់នៅ​តំបន់​អរិយ​ក្សត្រ​និង​អ្នកដំណើរ​ពី​ភ្នំពេញ​ហូរហែ​មិនចេះដាច់​ពីព្រោះ​តែ​វា​មាន​អាងហែលទឹក​សម្រាប់​ភ្ញៀវ​ងូត​ក​ម្សាន្ត​ស្អាត​បំផុត​និង​ជិតបង្កើយ​ជាងគេ​បើ​ធៀប​នឹង​ប្រភេទ​រី​សត​ស្រដៀងគ្នា​នៅ​ភូមិ​-​ឃុំ​ ​ផ្សេងៗ​ដែល​មាន​ចម្ងាយ​ឆ្ងាយ​ជាង​នេះ​។​ ​អាងហែលទឹក​នៅ​ទីនោះ​មាន​ទឹក​ថ្លាឆ្វង់​ដូច​កញ្ចក់​ហ៊ុមព័ទ្ធ​ដោយ​រុក្ខជាតិ​តូច​ធំ​បែកមែក​សាខា​ចោល​ម្លប់ត្រជាក់​ស្រេង​ ​ថែមទាំង​មាន​តុកៅអី​សម្រាប់​អង្គុយ​ទទួលទាន​អាហារសម្រន់​និង​ភេសជ្ជៈ​ជុំវិញ​អាង​គួរ​ជាទី​មនោ​រម្យ​ទៀត​ផង​។​ ​លើស​ពី​នេះ​ ​I​K​AT​ ​Ca​f​e​ ​មាន​ផ្តល់​សេវាកម្ម​សម្រាក​សម្រាប់​ភ្ញៀវ​ដែល​ចង់​ស្នាក់​នៅ​ក​ម្សាន្ត​ទេសភាព​ស្រុក​ចម្ការ​កណ្តាល​បឹង​ឈូក​ដ៏​ស្រស់បំព្រង​ ​ចំនួន​៦​បន្ទប់​ ​ដែល​មាន​តម្លៃ​ ​៤​០​, ​៦​០​ ​និង​ ៨​០​ ​ដុល្លារ​ ​អាស្រ័យ​លើ​ទំហំ​បន្ទប់​និង​ចំនួន​គ្រែ​។​ ​ចំពោះ​ភ្ញៀវ​ដែល​ស្នាក់​នៅនឹង​ទទួល​បាន​នូវ​ការ​ ​ផ្តល់​ជូន​ឈុត​អាហារ​ពេលព្រឹក​និង​ការ​ប្រើប្រាស់​​អាងហែលទឹក​ដោយ​ឥត​គិតថ្លៃ​ ​ក្នុង​ចំនួន​កំណត់​ផ្សេងៗ​គ្នា​ទៅតាម​ជម្រើស​តម្លៃ​បន្ទប់​ដែល​ភ្ញៀវ​ជ្រើសរើស​។​

​​          ដោយឡែក​ ​ចំពោះ​សេវាកម្ម​ម្ហូបអាហារ​វិញ​ ​I​K​AT​ ​Ca​f​e​ ​មាន​ជម្រើស​កាហ្វេ​ ​តែ​ ​សូ​ដា​ ​ទឹក​ផ្លែឈើ​ស្រស់​ ​ជា​ច្រើនមុខ​ ​ព្រម​ជាមួយ​មឺ​នុយ​មុខម្ហូប​ដ៏​សម្បូរ​បែប​ទាំង​អាហារ​អាស៊ី​ ​និង​ ​អឺរ៉ុប​ ​តាំងពី​អាហារ​ពេលព្រឹក​រហូតដល់​អាហារ​ពេលល្ងាច​។​ ​ឈុត​មាន់​ដុត​ពិសេស​ ​បាយ​ស​និង​ហហ្មុក​ត្រី​ ​បាយ​ភ្លៅ​មាន់​ស្រែ​ ​ទឹក​ផ្លែក្រូច​ទ្រើង​ (​Passion​) ​ស្រស់​ ​និង​ភេសជ្ជៈ​តែ​ទៀប​បារាំង​ក្តៅ​ស័ក្តិសម​សម្រាប់​រដូវភ្លៀង​នេះ​ណាស់​ដែល​សុទ្ធសឹងតែ​សូវ​រី​ន​ចង់​ណែនាំ​ទៅដល់​ប្រិយ​មិត្ត​អ្នកអាន​ដែល​មានបំណង​ចង់​ទៅ​ទីនោះ​៕​

Article by SRIN SOKMEAN


SUGGESTIONS