×

ស្បែកជើង​៦​ប្រភេទ​ដែល​មិត្ត​នារី​គួរតែ​មាន​សម្រាប់​ពាក់​ខែភ្លៀង​

TRAVEL & LIVING 2 years ago
 
 

           រដូវប្រាំង​បាន​កន្លង​ផុត​ទៅ​ហើយ​ ​ហើយ​រដូវវស្សា​បាន​ចូល​មកដល់​ពោរពេញ​ដោយ​តំណក់ទឹកភ្លៀង​និង​សំណើម​ ​ព្រមទាំង​ភក់​ជ្រាំ​ឬ​ជង្ហុក​ដែល​លោកអ្នក​មិន​ចង់​ប្រទះ​នៅ​តាម​ដង​ផ្លូវ​នានា​ដែល​ត្រូវធ្វើ​ដំណើរ​ឆ្លងកាត់​។​ ​ដូចនេះ​ ​នេះ​ជា​ពេលវេលា​ដែល​សុភាព​នារី​ទាំងឡាយ​គប្បី​ពិចារណា​ឲ្យបាន​ល្អិតល្អន់​ទៅលើ​ជម្រើស​ស្បែកជើង​សម្រាប់​ពាក់​ការធ្វើដំណើរ​ជាប្រចាំ​មិនថា​ទៅ​ទី​ជិត​ឬ​ឆ្ងាយ​នោះ​ទេ​។​

១​. ​ស្បែកជើង​កែង​ជាប់​ (​Wedge​s)

           សម្រាប់​ទៅ​ធ្វើការ​ការិយាល័យ​ ​ឬ​ ​ចូលរួម​កម្មវិធី​ ​ជាទូទៅ​ ​មិត្ត​នារី​ចូលចិត្ត​ពាក់​ស្បែកជើង​កែង​ចោត​ដើម្បីឲ្យ​មើលទៅ​ខ្ពស់​ស្អាត​ជួយ​លើក​សម្រស់​ឲ្យ​កាន់តែ​ទាក់ទាញ​។​ ​ប៉ុន្តែ​ស្បែកជើង​ប្រភេទ​នេះ​ងាយ​នឹង​ក្រឡាច់​ ​បង្ក​គ្រោះថ្នាក់​ខ្លាំង​ណាស់​នៅ​ពេល​មាន​ភ្លៀង​រអិល​។​ ​ដូច្នេះ​ ​ជម្រើស​ល្អ​បំផុត​សម្រាប់​ប្រើ​ជំនួស​ស្បែកជើង​កែង​ចោត​ធម្មតា​នោះ​គឺ​ ​ប្រភេទ​ស្បែកជើង​កែង​ជាប់​ ​ដែល​ងាយស្រួល​រក​បាន​នៅ​តាម​ហាង​លក់​ស្បែកជើង​នានា​ ​និង​តាម​អន​ឡា​ញ​ផង​ដែរ​។​ ​វា​មិន​ត្រឹមតែ​ធ្វើឲ្យ​ជើង​ស្រ្តី​ឆើតឆាយ​នោះ​ទេ​តែ​វា​ថែមទាំង​មាន​តួនាទី​ជួយ​រក្សា​លំនឹង​ជើង​បាន​យ៉ាង​ប្រសើរ​ពេល​ដើរ​ទៀត​ផង​។​

២​. ​ស្បែកជើងផ្ទាត់​ (​F​lip​-​Flop​s)

           ​ទោះ​ចង់​ឬ​មិន​ចង់​ ​ក៏​ស្រ្តី​គ្រប់រូប​ចាំបាច់​ត្រូវតែ​ចេញក្រៅ​ផ្ទះនៅ​រដូវភ្លៀង​ ​ដូចជា​ ​ដើរ​ផ្សារ​ ​ឬ​ ​មានការ​ចេញក្រៅ​ជិត​ៗ​ផ្ទះ​ឬ​ដើរ​លម្ហែ​កាត់​ស្រ្តេ​ស​ ​ជាដើម​ចៀស​មិន​ផុត​។​ ​កា​រពាក់​ស្បែកជើងផ្ទាត់​ពិតជា​ស័ក្តិសម​នៅ​ពេល​មិត្ត​នារី​ចេញក្រៅ​ពាក់អាវ​យឺត​ជាមួយ​ខោ​ខូ​វ​ប៊​យ​បែប​យុវវ័យ​ហើយ​វាក៏ជា​ជម្រើស​ដ៏​ឆ្លាតវៃ​ដែរ​សម្រាប់​ ​រដូវ​នេះ​ដោយសារ​វា​រឹង​មាំ​និង​ជាប់​បាន​យូរ​សម្រាប់​ការ​ធ្វើ​​ដំណើរ​នៅ​លើ​ផ្លូវ​រអិល​។​

៣​. ​ស្បែកជើង​ប៉ាត់​តា​ក្រណាត់​ (​Canvas​ ​Sneak​e​rs)

           ​ស្បែកជើង​ប្រភេទ​នេះ​ត្រូវតែ​មាន​ក្នុង​តារាង​ស្បែកជើង​ដែល​លោកអ្នក​ត្រូវ​ទិញ​ក្នុង​ខែភ្លៀង​។​ ​វា​ជា​ស្បែកជើង​ដែល​ផ្តល់​ផាសុកភាព​មែនទែន​សម្រាប់​ជើង​ទាំងគូ​របស់​មិត្ត​នារី​យើង​ពាក់​ធ្វើដំណើរ​ទៅក្រៅ​។​វា​ល្អ​​​ជាង​ពាក់​ស្បែកជើង​ប៊ូ​ព្រោះ​ស្បែកជើង​ប៉ាត់​តា​ក្រណាត់​ ​canvas​ ​នេះ​អាច​បោក​ជម្រះ​បាន​។​ ​ដោយសារ​ហេតុនេះ​ហើយ​ ​ទើប​អ្នក​មិនបាច់​ភ័យខ្លាច​ចំពោះ​ការ​ខូច​ស្បែកជើង​នោះ​ទេ​នៅ​ពេល​ដើរ​ជាន់​ភក់​តាមផ្លូវ​។​

​៤​. ​ស្បែកជើង​រាប​ជ័រ​ថ្លា​ (​Jelly​ ​Flat​s)

           ​ស្បែកជើង​នេះ​អាច​បត់បែន​រស់រវើក​និង​គុណសម្បត្តិ​ពិសេស​ដោយឡែក​ដែល​អ្នក​ប្រហែលជា​មើល​ ​រំលង​។​ ​សុភាព​នារី​ទាំងឡាយ​អាច​ពាក់​វា​បាន​ចេញ​ទៅក្រៅ​ទោះបី​ពេល​មេឃ​កំពុង​ភ្លៀង​ខ្លាំង​ក៏ដោយ​។​ ​ម្យ៉ាង​វិញទៀត​ ​ស្បែកជើង​នេះ​មាន​ច្រើនពណ៌​ងាយស្រួល​ជ្រើសរើស​តម្រូវ​ចិត្ត​អ្នក​ពាក់​ផ្ទាល់​។

​៥​. ​ស្បែកជើង​ជ័រ​ឃ្លុប​មុខ​ (Crocs)

           ​វាក៏​ជា​ជម្រើស​មួយទៀត​ដែល​ល្អ​បំផុត​សម្រាប់​ខែភ្លៀង​ដែរ​ ​ជាពិសេស​សម្រាប់​ការ​ចេញក្រៅ​ណាត់​ជួប​ ​ឬ​ ​ជួបជុំគ្នា​នៅ​តាម​ហាង​កាហ្វេ​ ​ជាដើម​ ​ព្រោះ​ស្បែកជើង​នេះ​ផលិត​ឡើង​សម្រប​តាម​អាកាសធាតុ​ភ្លៀង​ ​ហើយ​ធ្វើឲ្យ​យើង​មាន​អារម្មណ៍​ថា​រឹត​តែ​ស្រស់​ស្អាត​នៅ​ពេល​ពាក់​វា​ជា​គូ​នឹង​ម៉ូដ​ខោអាវ​សាច់​ខូ​វ​ប៊​យ​រហែក​។​

​៦​. ​ស្បែកជើង​រលោង​ឃ្លុប​មុខ​ពណ៌​ឆើត​ (​Bright​ b​all​e​r​in​as​)

           ​ស្បែកជើង​បែប​តួអង្គ​ព្រះនាង​ម្ចាស់​ ​ឬ​ ​ឈុត​របាំ​បា​ឡេ​ដ៏​គួរឲ្យ​ស្រឡាញ់​នេះ​ស័ក្តិសម​សម្រាប់​ពាក់​ចូលរួម​កម្មវិធី​ពាក់កណ្តាល​ផ្លូវការ​ ​ដូចជា​ ​កម្មវិធី​ខួបកំណើត​ ​ឬ​ ​ជប់លៀង​ក​ម្សាន្ត​សប្បាយ​ផ្សេងៗ​ ​ដោយសារ​វា​មាន​ពណ៌​ចែង​ចាំង​ ​មាន​លក្ខណៈ​ប្រណិត​ ​ផ្តល់​ផាសុកភាព​ក្នុង​រដូវភ្លៀង​ ​ហើយ​អាច​ពាក់​រួម​ជាមួយ​ឈុត​ចូលរួម​កម្មវិធី​ស្អាត​ៗ​បាន​ច្រើន​ម៉ូដ​៕​

Article by SRIN SOKMEAN


SUGGESTIONS