×

បង្កើន​សម្រស់​ពី​ធម្មជាតិ​ដោយ​បន្ថែម​ជាមួយ​គ្រឿង​សម្អាង​បន្តិច​បន្តួច​

 
 

ការទុកឱ្យផ្ទៃមុខនៅទទេ ដោយគ្មានបន្ថែមជាមួយការតុប​​​​​​​​​តែង​មុខបន្តិចបន្តួច​គឺជារឿង​ខុស​​​​ឆ្គង​មួយសម្រាប់ស្រ្ដីគ្រប់រូបមិនគួរមើលរំលង។ មិនថាសុភាពស្រ្ដីដែលបំពេញ​ការងារ​ឬ​ជា​ស្ដ្រី​​មេផ្ទះ​នោះឡើយ គឺអ្នកត្រូវតែរៀបចំតុបតែងផ្ទៃមុខបែបស្រាលៗ​ជាប្រចាំដើម្បីលើក​សម្រស់​​​ផ្ទៃមុខរបស់អ្នកឱ្យកាន់តែផូរផង់។ សម្រាប់លេខថ្មីនេះទំព័រMakeover របស់ SOVRIN នឹង​បង្ហាញជូនប្រិយមិត្តអ្នកអាននូវការរៀបចំតុបតែងដែលមើលទៅសាមញ្ញៗ ប៉ុន្តែពោរពេញ​ដោយ​​​​ភាព​​ស្រស់​ស្រាយសម្រាប់រដូវកាលនេះ។​ ប្រសិនបើសុភាពនារីទាំងឡាយមិនចង់​ចំណាយ​​ថវិកា​ខ្ជះខ្ជាយច្រើនរាល់ពេលមានកម្ម​វិធីជប់លៀង ឬដំណើរកម្សាន្តទៅកាន់ទីជិត​ទី​ឆ្ងាយ​​នោះ។ សុភាពនារីអាចសាកល្បងMake Up តាមជំហានដែល SOVRIN នឹង​ធ្វើការបង្ហាញ​ជូន​ដូច​ខាងក្រោមនេះ។

  1. ជាដំបូងសុភាពនារីគួរតែធ្វើការសម្អាតផ្ទៃមុខឲ្យបានស្អាតនឹងជូតឱ្យស្ងួត អ្នក​អាច​លាបម្សៅទ្រនាប់អោយពេញផ្ទៃមុខជាមុនសិន បន្ទាប់មកលាប​ម្សៅ​ដោយ​​ប្រើជក់ផាត់វាស​ឲ្យ​ពេញ​​នៅលើផ្ទៃមុខថើរៗ លៃយ៉ាងណា​កុំឱ្យ​វា​ក្រាស់​ពេក។
  2. ការផាត់ពណ៌ត្របក​ភ្នែក ត្រូវយកពណ៌សូកូឡា​ក្រម៉ៅមកលាបយក​ស្រមោល​​នៅខាងចុងនៃត្របកភ្នែក និងខាង​ចុងនៃភ្នែកខាងក្រោមដូចគ្នា ហើយ​ទើបយកពណ៌ហាយឡាយស យកមកគូសនៅខាង​ក្រោម​ភ្នែក​បន្តិច​ដើម្បី​ជួយឱ្យពណ៌ភ្នែកមានភាពទាក់ទាញជាការស្រេច។
  3. ការលាបម៉ាស្ការ៉ាត្រូវ​លាប​​ឱ្យ​ក្រាស់បន្តិច​ ព្រោះដើម្បី​ជួយឱ្យ​ភ្នែក​មាន​ភាព​ស្រស់​ស្អាត ដោយយើងពុំចាំបាច់ពាក់នូវ​រោមភ្នែកក្លែងក្លាយនោះទេ ដើម្បី​ឱ្យ​មើល​ទៅឃើញបែបធម្មជាតិបន្តិច។​
  4. ការគូស​ចិញ្ចើម ត្រូវគូសតាមទម្រង់មុខ និងភ្នែកដែលយើងបានលាបរួចមក​ហើយ​។
  5. ការផាត់ថ្ពាល់កុំជ្រើសរើសយកពណ៌ក្រម៉ៅពេកត្រូវជ្រើស​រើសយកពណ៌ផ្កាឈូក ព្រោះពណ៌នេះជួយឱ្យមើល​ទៅឃើញមុខស្រស់​ស្រាយ​ស្រទន់និងក្មេងវ័យ។
  6. បបូរមាត់ជាចំណុចដ៏ទាក់ទាញនឹងលេចធ្លោរហើយលើកសម្រស់ផ្ទៃមុខរបស់​សុភាពនារី សម្រាប់ការផាត់មុខបែបធម្មជាតិបែបនេះ អ្នកជ្រើស​រើស​ក្រែម​​ពណ៌ឈូកស្រាល ឬពណ៌ណាដែលស្រាលៗ។

បន្ទាប់ពីប្រិយមិត្តបានអាននូវតិកនិចក្នុងការតុបតែងមុខបែបសាមញ្ញៗ ដែល​​ពោរ​​ពេញ​ទៅ​ដោយភាពស៊ីវិល័យមកហើយនោះ សូវរីនសង្ឃឹមនឹងជឿជាក់ថាអ្នកនឹង​ក្លាយ​​ទៅជានារីសម័យថ្មីយ៉ាងពិតប្រាកដ ប្រសិនបើអ្នកសាកល្បង​អនុវត្ត​តាម​ជំហាន​ខាង​លើ​៕​ Article by Makara

 




SUGGESTIONS