×

គោលដៅ​ទេសចរណ៍​ជុំវិញ​ភ្នំពេញ​ត្រៀម​រដូវ​កាល​ពិធី​បុណ្យអុំទូក​ឆ្នាំនេះ​

TRAVEL & LIVING a month ago
 
 

           កំពុង​នឹកចង់​រក​កន្លែង​ដើរ​លម្ហែ​ចុង​ស​ប្តាហ៍​មិន​ឆ្ងាយ​ពី​ភ្នំពេញ​មែនដែរ​ឬទេ​? ​ខាងក្រោម​នេះ​ជា​រមណីយដ្ឋាន​ដែល​នឹង​ផ្តល់​បរិយាកាស​សប្បាយរីករាយ​មិនថា​លក្ខណៈ​គ្រួសារ​ ​ឬ​ ​ជួបជុំ​មិត្តភក្តិ​គូកន​សម្រាប់​ថ្ងៃឈប់​សម្រាក​ក្នុង​ឱកាស​ព្រះរាជ​ពិធី​បុណ្យអុំទូក​ ​បណ្តែត​ប្រទីប​ ​អកអំបុក​ ​និង​សំពះព្រះខែ​ ​ឆ្នាំ​២​០​២​២​នេះ​ ​ណែនាំ​ដោយ​វេ​ប​សាយ​ទស្សនាវដ្តី​សូវ​រី​ន​។​

           ១​. ​ផ្ទះ​លំហែ​ឆ្នេរ​អង្កោល​ (​ខេត្ត​កែប​)
           ស្ថិតនៅ​លើ​ឆ្នេរ​អង្កោល​ ​ឃុំ​អង្កោល​ ​ស្រុក​ដំណាក់​ចង្អើរ​ ​ខេត្ត​កែប​។​ ​ត្រូវធ្វើ​ដំណើរ​ពី​ផ្លូវជាតិ​លេខ​៣​៣​ ​ពី​ខាង​ផ្លូវបំបែក​ភូមិ​លក​ ​ស្រុក​កំពង់​ត្រាច​ ​មក​ប្រមាណ​៧​គីឡូម៉ែត្រ​ ​លោកអ្នក​នឹង​ឃើញ​ខ្លោងទ្វារ​វត្ត​អង្កោល​នៅ​ខាងឆ្វេង​ដៃ​។​ ​បត់​តាម​ខ្លោងទ្វារ​នោះ​កាត់តាម​ស្រែអំបិល​របស់​អ្នកស្រុក​រហូត​ផុត​ភ្នំ​អង្កោល​ ​នឹង​ឃើញ​ផ្លូវ​ភូមិ​តម្រង់​មក​ឆ្នេរសមុទ្រ​។​

           ផ្ទះ​លំហែ​នេះ​ស្ថិតនៅ​ជាប់នឹង​មាត់សមុទ្រ​ដែល​ផ្តល់​ភាព​រ៉ូ​មេន​ទិ​ក​និង​ផាសុកភាព​សម្រាប់​ភ្ញៀវ​ដែល​ស្រឡាញ់​តំបន់​ឆ្នេរ​មិនសូវ​អ៊ូអរ​កកកុញ​។​ ​សេវាកម្ម​ស្នាក់​នៅ​ទីនេះ​បែងចែក​ជា​ពីរ​ប្រភេទ​ ​រួម​មាន​ ​ប្រភេទ​ ​Sweet​ ​Bung​a​low​ ​និង​ ​Family​ ​Bung​a​low​។​ ​ប្រភេទ​ទីមួយ​ ​អាច​គេង​បាន​ចំនួន​២​-​៣​នាក់​ ​តម្លៃ​ ​៤​០​ ​ដុល្លារ​ក្នុង​មួយ​យប់​។​ ​ប្រភេទ​ទីពីរ​ ​អាច​គេង​បាន​៤​-​៥​នាក់​ ​តម្លៃ​ ​៧​០​ដុល្លារ​ក្នុង​មួយ​យប់​។​ ​តង់​តូច​មួយ​មាន​តម្លៃ​ ​១​៥​ដុល្លារ​ក្នុង​មួយ​យប់​ ​គេង​បាន​ ​១​-​២​នាក់​។​ ​តង់​កណ្តាល​មាន​តម្លៃ​២​០​ដុល្លារ​ ​គេង​បាន​២​-​៣​នាក់​។​ ​រីឯ​តង់​ធំ​មាន​តម្លៃ​២​៥​ដុល្លារ​ក្នុង​មួយ​យប់​ ​គេង​បាន​ ​៣​-​៤​នាក់​។​ ​ក្រៅពី​នេះ​ ​មាន​ជម្រើស​ម្ហូបអាហារ​រហូត​៣​០​មុខ​ដែល​មានឱជារស​ឈ្ងុយឆ្ងាញ់​ ​ជាពិសេស​គឺ​គ្រឿង​សមុទ្រ​ស្រស់​ៗ​របស់​សហគមន៍​ផ្ទាល់​ ​ដូចជា​ ​ក្តាម​ ​បង្គា​ ​មឹក​ ​ត្រី​សមុទ្រ​ ​និង​បង្កង​។​

           ២​. ​ភូមិ​ដំណាក់​ដំរី​ (​ខេត្ត​កំពង់ស្ពឺ​)
           ​ស្ថិត​ក្នុង​ឃុំ​ត្រែង​ត្រយឹង​ ​ស្រុក​ភ្នំ​ស្រួច​ ​ខេត្ត​កំពង់ស្ពឺ​ ​ចម្ងាយ​ត្រឹម​ជាង​៨​០​គីឡូម៉ែត្រ​ពី​រាជធានី​។​ ​រី​សត​ ​ភូមិ​ដំណាក់​ដំរី​ (​P​hum​ ​Do​m​n​a​k ​Do​m​r​e​y​ ​Resort​) ​មានផ្ទៃ​ដី​ធំ​ទូលាយ​រហូតដល់​ជាង​២​០​០​ហិកតា​អម​ដោយ​ទេសភាព​ជើងភ្នំ​មាន​រុក្ខជាតិ​ពណ៌​ខៀវស្រងាត់​គួរឲ្យ​ចង់​ចូល​ទស្សនា​និង​សម្រាក​លម្ហែ​។​ ​ធ្វើដំណើរ​បត់​ចូល​ពី​ផ្លូវជាតិ​លេខ​៤​ត្រង់​ផ្សារ​ត្រែង​ត្រយឹង​ ​មិនដល់​១​០​គីឡូម៉ែត្រ​ផង​ ​លោកអ្នក​នឹងបាន​មកដល់​ទីតាំង​រី​សត​បង្កប់​នៅ​ក្នុង​ផ្ទៃដី​ចម្ការ​ដូង​និង​ស្វាយ​ក្បែរ​ជើងភ្នំ​។​

Image Courtesy: ភូមិដំណាក់ដំរី

           ​រី​សត​ខាងលើ​មាន​ជម្រើស​កន្លែង​ស្នាក់​នៅ​ជូន​ភ្ញៀវ​រហូតដល់​៤​-​៥​ប្រភេទ​។​ ​មួយ​ក្នុងចំណោម​នោះ​គឺ​បន្ទប់​បាំង​ហ្គា​ឡូ​ (​Bung​a​low​) ​ទាន់សម័យ​បំពាក់​ដោយ​ម៉ាស៊ីនត្រជាក់​ព្រមទាំង​មាន​រានហាល​ដែល​ភ្ញៀវ​អាច​ឈរ​គយគន់​ទេសភាព​យ៉ាង​ស្រស់​ស្អាត​។​ ​ជម្រើស​សេវាកម្ម​ស្នាក់​នៅ​មួយ​បែប​ទៀត​ដែល​ក៏​ទទួលការ​ពេញ​និយម​ណាស់​ដែរ​គឺ​បោះតង់​។​ ​តង់​នៅ​ភូមិ​ដំណាក់​ដំរី​ជាត​ង់​ធំ​ទំនើប​ដែល​អាច​គេង​បាន​ដល់​៤​នាក់​ដំឡើង​ហើយ​ស្រាប់​ជូន​ភ្ញៀវ​ដែល​មក​ស្នា្កក់​នៅ​ជា​ក្រុម​។​

Image Courtesy: ភូមិដំណាក់ដំរី

           ​ដោយឡែក​ ​ចំពោះ​ភ្ញៀវ​ដែល​ចង់​បោះតង់​ដោយខ្លួនឯង​ ​ក៏មាន​ផ្តល់​ជូន​នូវ​ទីធ្លា​សម្រាប់​ភ្ញៀវ​ (​Camping​ ​Ground​) ​បោះជំរំ​តង់​ដាច់ដោយឡែក​។​ ​តម្លៃ​សម្រាប់​បោះតង់​ខ្លួនឯង​ចន្លោះ​១​០​-​១​៥​ដុល្លារ​។​ ​រីឯ​ថ្លៃ​ជួល​តង់​របស់​រី​សត​ ​គឺ​ ​១​០​, ​៣​៥​ ​និង​ ​៤​៥​ ​ដុល្លារ​។​ ​បច្ចុប្បន្ន​ ​រី​សត​កំពុង​ផ្តល់​ជូន​ការ​ស្នាក់​នៅផ្ទះ​សំបុក ​(​SAM​BOK) ​ប្រភេទ​សេវាកម្ម​ស្នាក់​នៅ​ថ្មី​បំផុត​នៅ​ទីនោះ​រចនា​ឡើង​ដោយ​ប្រើ​វត្ថុធាតុដើម​ប្ញស្សី​និង​ផ្តៅ​។​ ​គួរ​បញ្ជាក់​ផង​ដែរ​ថា​ ​រី​សត​កំពុង​រៀបចំ​សេ​វាស្នា​ក់​នៅ​ប្លែកៗ​បន្ថែម​រួម​មាន​ ​វី​ឡា​អាងហែលទឹក​ (​Pool​ ​Villa​) ​និង​ភូមិគ្រឹះ​សេដ្ឋី​ (​Set​h​y​ ​Mansion​)​។​

Image Courtesy: ភូមិដំណាក់ដំរី

           ​រី​សត​ភូមិ​ដំណាក់​ដំរី​នៅ​មាន​ផ្តល់​ជូន​សេវាកម្ម​ជាច្រើន​ទៀត​ដែល​នឹង​ធ្វើឲ្យ​ដំណើរ​ក​ម្សាន្ត​និង​ស្នាក់​នៅ​របស់​លោកអ្នក​កាន់តែ​មាន​ភាព​សប្បាយរីករាយ​ទ្វេ​ដង​ដូចជា​ ​ជួល​កង់​ ​ឬ​ ​ម៉ូតូ​ជិះ​ក​ម្សាន្ត ​និង​រៀបចំ​ភោជនាហារ​ ​ជាដើម​។​ ​ទន្ទឹម​នឹង​នេះ​ ​ភ្ញៀវ​អាច​ធ្វើសកម្មភាព​ក​ម្សាន្ត​ជាច្រើន​នៅ​ក្នុង​បរិវេណ​នោះ​ ​តួយ៉ាង​ ​ជិះកង់​ ​ដើរ​ព្រៃ​ ​ស្ទូចត្រី​ ​ជិះសេះ​ ​និង​ជិះទូក​កៃ​យ៉ា​ក់​។​

           ៣​. ​ទំនប់​ ​៥​ ​កុម្ភៈ​ (​ខេត្ត​កំពង់ចាម​)
           ​ស្ថិត​ក្នុង​ភូមិ​ថ្នល់​បែ​កកើត​ ​ឃុំ​ស្វាយ​ទាប​ ​ស្រុក​ចំការ​លើ​ ​ខេត្ត​កំពង់ចាម​ ​ដែល​ជា​ទឹកដី​មាន​ផលានុផល​យ៉ាង​សម្បូរហូរហៀរ​។​ ​វា​ជា​ទីតាំង​ដែល​ទេសចរ​ទាំងឡាយ​អាច​ឆៀងចូល​សម្រាក​បាយថ្ងៃត្រង់​ជាមួយ​អាហារ​បែប​ជនបទ​ ​ជាពិសេស​ ​ម្ជូរ​គ្រឿង​ត្រី​ទ្រនេល​ ​និង​ប្រហិត​ត្រី​ស្លាត​ដ៏​ឈ្ងុយឆ្ងាញ់​។​ ​នៅ​ជុំវិញ​អាង​ស្តុក​ទឹក​លើ​ខ្នង​ទំនប់​ ​មាន​អាហារដ្ឋាន​ជាច្រើន​ដែល​រៀបចំ​តាម​បែប​ស្រុកស្រែ​ចម្ការ​និង​មាន​តម្លៃ​សមរម្យ​។​ ​លើស​ពី​នេះ​ ​ក៏មាន​សេវាកម្ម​ជួល​ទូក​ជិះ​ក​ម្សាន្ត ​ស្ទូចត្រី​ ​ព្រមទាំង​កន្លែង​អង្គុយ​មើល​ថ្ងៃលិច​ដ៏​ស្រស់​ស្អាត​។​ ​គួរ​សម្គាល់​ថា​ ​ទំនប់​៥​កុម្ភៈ​នេះ​មុន​ក្លាយ​ជា​រមណីយដ្ឋាន​ដូច​បច្ចុប្បន្ន​ ​គឺជា​ទំនប់​ដែល​ត្រូវ​បាន​កសាង​ឡើង​ក្នុង​របប​កម្ពុជាប្រជាធិបតេយ្យ​ (​១​៩​៧​៥​-​១​៩​៧​៩​) ​ហើយ​ត្រូវ​បាន​ជួសជុល​លើក​ចុងក្រោយ​កាលពី​ឆ្នាំ​២​០​១​៨​ដើម្បី​ស្រោចស្រព​ដំណាំ​ព្រមទាំង​ប្រែក្លាយ​ជា​តំបន់​ទេសចរណ៍​ប្រចាំ​ស្រុក​។​

           ៤​. ​បឹង​ស្នេហ៍​-​ទួល​ព័ន្ធ​តា​ឡី (​ខេត្ត​ព្រៃវែង​)
           ​មាន​ទីតាំង​ស្ថិតនៅ​ក្នុង​ឃុំ​ធា​យ​ ​ស្រុក​បាភ្នំ​ ​ខេត្ត​ព្រៃវែង​។​ ​តំបន់​នេះ​ត្រូវ​បាន​បង្កើត​ជា​«​តំបន់​ប្រើប្រាស់​ច្រើនយ៉ាង​»​ ​មានផ្ទៃ​ដី​សរុប​ ​៣​,​៥​៥​៧​ហិកតា​ ​យោង​តាម​អនុក្រឹត្យ​របស់​រាជរដ្ឋាភិបាល​កម្ពុជា​ ​កាលពី​ថ្ងៃ​ទី​០​៥​ ​ខែកុម្ភៈ​ ​ឆ្នាំ​២​០​២​១​។​ ​វា​មាន​លក្ខណៈ​អំណោយផល​ល្អ​ចំពោះ​ប្រព័ន្ធ​អេកូ​ឡូ​ស៊ី​យ៉ាង​សម្បូរ​បែប​ដែល​អនុគ្រោះ​ដល់​ការ​អភិវឌ្ឍ​សហគមន៍​មូលដ្ឋាន​ព្រោះ​ទីនេះ​ជា​បឹង​មាន​ទឹក​អ​ចិន្ត្រៃយ៍​ខួបប្រាំងខួបវស្សា​មាន​តួនាទី​ផ្តល់​ទឹក​ស្រោចស្រព​ដំណាំ​និង​សម្រាប់​ប្រើប្រាស់​ក្នុង​ជីវភាព​ប្រចាំថ្ងៃ​របស់​ប្រជាពលរដ្ឋ​ជុំវិញ​។​ ​ទីនោះ​ជា​ជម្រក​រស់នៅ​និង​បន្ត​ពូជ​របស់​មច្ឆជាតិ​តូច​ធំ​ជាច្រើន​ប្រភេទ​ ​ហើយក៏​ជា​កន្លែង​នេសាទ​ដ៏​សំខាន់​ខ្វះ​មិនបាន​សម្រាប់​ប្រជា​សហគមន៍​ផង​ដែរ​។​ ​អ្វី​ដែល​ពិសេស​បំផុត​នោះ​ ​ទួល​ព័ន្ធ​តា​ឡី-​បឹង​ស្នេហ៍​ ​ជា​សម្បុក​បន្ត​ពូជ​របស់​សត្វស្លាប​ទឹក​ជាច្រើន​ប្រភេទ​ ​រួម​មាន​ ​ប្រភេទ​រង​ការ​គំរាមកំហែង​ ​និង​ ​ប្រភេទ​ជិត​ផុតពូជ​លើ​ពិភពលោក​ដែល​ពិតជា​មាន​តម្លៃ​ណាស់​សម្រាប់​ការ​អភិ​រក្ស​ឲ្យ​គង់វង្ស​សម្រាប់​ក្មេងៗ​ជំនាន់​ក្រោយ​។​ ​សព្វថ្ងៃនេះ​ភ្ញៀវ​ទេសចរ​ជាតិ​និង​អន្តរជាតិ​កំពុង​ចាប់អារម្មណ៍​ទៅ​មើល​សត្វស្លាប​រាប់ពាន់​ម៉ឺន​ក្បាល​ទៅ​ទីនោះ​មិនចាញ់​នៅ​ជម្រក​សត្វស្លាប​តំបន់​ព្រែក​ទាល់​ ​ខេត្ត​បាត់​ដំបង​ ​នោះ​ទេ​៕​

​Article​ ​by​ SR​IN​ ​SO​K​MEAN​

Image Courtesy: ក្រសួងបរិស្ថាន


SUGGESTIONS