នៅ​ព្រឹក​ថ្ងៃ​ទី​០​១​ ​ខែវិច្ឆិកា​ ​ឆ្នាំ​២​០​២​៣​ ​កម្មវិធី​ ​«​មួយ​ម៉ឺន​អាល័យ​លើក​ទី​៧​»​ ​រៀបចំ​ដោយ​ក្រុមព្រះ​សុ​រិ​យា​ ​បាន​បើក​ជា​ផ្លូវការ​ ​ក្រោមអធិបតីភាព​ដ៏​ខ្ពង់ខ្ពស់​ ​ឯកឧត្តម​ ​កែវ​ ​រ៉េ​មី​ ​ទេស​រដ្ឋ​ម​ន្រ្តី ​និង​ជា​ប្រធាន​គណៈកម្មាធិការ​សិទ្ធិមនុស្ស​កម្ពុជា​ ​ដែល​បាន​ប្រារព្ធ​ឡើង​នៅ​មជ្ឈមណ្ឌល​សហប្រតិបត្តិការ​កម្ពុជា​កូរ៉េ​(CKCC) ​ក្នុង​បរិវេណ​សាកលវិទ្យាល័យ​ភូមិន្ទភ្នំពេញ(RUPP)​។​ ​កម្មវិធី​មួយ​ម៉ឺន​អាល័យ​លើក​ទី​៧​នេះ​ ​បាន​ផ្តោត​លើ​ប្រធាន​បទ​សំខាន់​គឺ​ការ​ ​អប​អរសាទរ​ខួប​លើក​ទី​៧​០​ ​នៃ​ទិវា​ឯករាជ្យជាតិ​ ​៩​វិច្ឆិកា​ ​ឆ្នាំ​១​៩​៥​៣​ ​និង​ជា​ការ​អប​អរសាទរ​ ​ព្រះរាជ​សម្ភព​លើក​ទី​៧​០​ ​ព្រះករុណា​ ​ព្រះបាទ​សម្តេច​ព្រះ​បរមនាថ​ ​នរោត្តម​ ​សី​ហ​មុនី​ ​ព្រះមហាក្សត្រ​ ​នៃ​ព្រះរាជាណាចក្រកម្ពុជា​ ​ជាទី​គោរព​សក្ការ​ដ៏​ខ្ពង់ខ្ពស់​បំផុត​។​ ​មិនតែប៉ុណ្ណោះ​ ​កម្មវិធី​ក៏​មានការ​ចាក់​បញ្ចាំង​ភាពយន្ត​ខ្មែរ​ ​ការ​តាំង​ពិព័រណ៍​ព្រះរាជ​សកម្មភាព​ ​វង់​ត​ន្រ្តី​រាជ​សង្គម​ខ្មែរ​ ​មហោស្រព​ចាប៉ី​ដង​វែង​ ​និង​មហោស្រព​អាហារ​បួស​ ​រួម​ទាំង​ផ្សារ​សិប្បកម្ម​ផលិតផល​ខ្មែរ​ផង​ដែរ​។​

         សូម​ជម្រាប​ជូន​ថា​ ​កម្មវិធី​ ​«​មួយ​ម៉ឺន​អាល័យ​លើក​ទី​៧​»​ ​នឹង​ប្រព្រឹត្ត​ឡើង​មាន​រយៈពេល​៤​ថ្ងៃ​ ​ចាប់ពី​ថ្ងៃ​ទី​០​១​ ​ដល់​ថ្ងៃ​ទី​០​៤​ ​ខែវិច្ឆិកា​ ​ឆ្នាំ​២​០​២​៣​ ​ចាប់ពី​ម៉ោង​ ​៨​ព្រឹក​ ​ដល់ម៉ោង​ ​៨​យប់​។​ ​ប្រិយ​មិត្ត​អាច​ចូលរួម​ទស្សនា​ផ្ទាំង​ទស្សនីយភាព​នានា​ ​និង​ការ​ចាក់​បញ្ចាំង​ភាពយន្ត​ ​ក៏ដូចជា​ការ​សម្តែង​ផ្សេងៗ​ទៅតាម​កាលបរិច្ឆេទ​ខាងលើ​នេះ​ ​ដោយសេរី​ ​ឥត​គិតថ្លៃ​ផង​ដែរ​៕​

Article​ ​by​ ​SO​UN​G​ ​SO​KS​AN​